ذاك اليوم وانا اتسوق في الجمعية شفت الربيان دش في خاطري
قلت اسويه مطفي مع عيش ابيض بيطلع ياسلام
الطريقة
نتبل الربيان بالبهار المكون من (ملح +فلفل اسود+زنجبيل بودرة +ثوم بودرة+ليمون اسود بودرة + كمون+بزار)
نقليه
نرفعه وونخليه على جنب
وبنفس الزيت احمر البصل والثوم
اضيف الجزر والكوسا والفلفل الاخضر الحار وطماطة مفرومة واقلب
اضيف ثلاث ملاعق من خلطة الطماط + ملح الليمون يعطينا نفس نكهة ماي الصبار(التمر الهندي)والحموضة مهمة في هالطبق+ كوب ماي ما نكثر
واقلب
واخر شي اضيف الربيان والكزبرة واحرك شوي
اغطي القدر حتى يستوي على راحته
يقدم وهو ساخن مع الرز والسلطة والشبس براحتكم:27:
الف صحة وهنا:cook:
وبعد انزلها من حلاتها
البصل الاخضر اقطعه الجزء الابيض اخليه للتحمير في الزيت عشان احطه فوق العيش والاخضر اخليه
لوسط العيش
بعدما سلقت العيش وشخلته
احمر البصل في الزيت مع بزار وليمون اسود بودرة
اصب فوقه بيالة ماي واخليه على جنب عشان استخدمه في الاخير
احط جزء من العيش قاع الجدر وفوقه البصل الاخضر
احط الباقي من العيش وصب فوقه حمسة البصل
واسكره على نار هادية لمدة ربع ساعة
ريحته تجننن ماشالله
بالعافية