ام وحيدها :

انا بقولك تجاربي وبما اني اكثر وحدة جربت الطلاق مطلقة ثلاث مرات الاول شايب عمره ستين سنه عشت معه 12 سنه ماجبت عيال كان عنده ولد وبنت اكبر مني وصار له حادث بعد ماتزوجني اثر عليه فطلب ابوي منه يطلقني كنت حاطه عياله بعيوني وعلاقتنا مرة كويسة ولحد الأن اكلمهم ويكلموني هو طبعا توفي رحمة الله عليه عيال ولده وبنته يراسلوني بالواتس ويقولون ماراح ننسى مواقفك معنا يعني الطلاق ماكان بسبب مشكلة كبيرة ,,, ابو وحيدي كنا ثلاث حريم طلقنا بليلة وحدة وبعد اسبوع رجعنا طبعا انا رفضت ارجع وهلحين علاقتي مع حريمه وبناته وعياله اكثر من علاقتي مع اهلي واخواني ومع انهم عايشين بقرية بعيدة تقريبا 100 كيلو يجوني دايم بالمدينة اللي انا ساكنة فيها حتى زوجته الكبيرة اللي هي ام العيال دايم ترسل مع عيالها فلوس وتكلمني تقول انتي تعرفين ذوقي باللبس اشتري لي كذا وكذا ورب الكعبة قبل اسبوعين متعشين عندي هي وعيالها الثلاثة وبناتها دايم يجوني ولا عمرهم دخلو الا معهم شي هدية ولا شئ للبيت لاني يوم كنت عايشة معهم حاطتهم بعيوني وعمات وحيدي عمري ماانقطعت عنهم اكثر من اسبوعين بما انهم حريم كبار بالعمر اروح ازورهم لانهم زعلو على اخوهم يوم طلقني وحتى البكاء بكو ,,, طليقي الاخير امه وخواته كلموني بعد الطلاق وتاسفو لي يقولون حنا ماندري لحد الأن سبب طلاقه لك وقبل فترة شفتهم بعرس وجو كلهم وحضنوني وسلمو علي بحرارة وجلسو بجنبي ,, معليش خواتي طولت عليكم بس حبيت اوضح انه اذا كان الطلاق ماهو بسبب مشكلة مثلا او ظلم لاحد الطرفين فطبيعي العلاقة بتكون كويسة بعد الطلاق اما اذا كان الطلاق بسبب مشاكل مع الاهل او الزوج فاكيد ماراح اتواصل معهم ولا هم حتى يبوني ولا يبون علاقتي ممكن حبيباتي هذرت واجد لكن والله حبيت اوضح فقط لاغير ....

انا بقولك تجاربي وبما اني اكثر وحدة جربت الطلاق مطلقة ثلاث مرات الاول شايب عمره ستين سنه عشت معه...