مطلقات ونظرات المجتمع واساليبهم

انا الحمد لله عايشه حياتي بالطول والعرض
ومستحيل افكر بالزواج مره ثانيه
عيشتي الحين احسن مليون مره
وبالطقاق بالناس وبنظراتهم
اهم شي نفسي وسعادتي
والناس اخر اهتمامي

عادي أسوي نفسي ما اهتميت بشي إذا صار فيه مناسبة ألبس وأهتم بشكلي وأروح وإذا شفت أحد يناظرني أو يحاول يتكلم أبتسم وما أرد والله ما أحد يتجرأ يقول قدامي شي
ترى أهم شي نظرتك أنتي لنفسك لأنها تنعكس على الناس

الله يعوضني ويعوضك وكل مطلقه


الحمدلله مجتمعنا ماعنده ذي النظره ابد


وانا اختلاطي بالناس قليل

انصحك طنشي ولاتتكلمي عن حياتك ابد لاقبل الطلاق ولا بعدها

والله ياكثرهم حولي وقسم من اجمل البنات. وواثقات مرره وعايشات حياتهم

لا مطلقة
ولا عزوبية
ولا حتى متزوجة
سالمة من نظرة وكلام المجتمع
مافي امل تلقين احد مرتاح من كلام الناس
اذا ماتزوجتي قالو لية ماتزوجت!؟ مع انك مرتاحة وفي بالك هدف تخططين عليه سواء تكملين دراسة او تتوظفين
واذا متزوجة وماحملتي لية ماحملت ! واذا حملتي لية وجهها كذا يمكن مو مرتاحة مع زوجها ! ليش علاقتها مع حمولتها كذا وووو
واذا مطلقة لية تطلقت البلى منها ولا منو!!!
والمصيبة محد راضي يقتنع انه كلة نصيب ومكتوب
المفروض المرأة العاقلة اذا انفتحت قدامها مواضيع مثل هذي ماتتعمق المفروض تقول كلة قسمة ونصيب والخيرة فيما اختارة الله

طيب اذا انتي متضايقة من نظرة المجتمع وزوجك معاملتة معك سيئة
هل معناة اني استمر مع زوجي السيء خوفا من كلام المجتمع على حساب كرامتي ونفسيتي
وبالاخير انتي الخسرانة المجتمع بيتكلم يوم يومين سنة وبالاخير بيسكت
لكن انتي لو استمريتي بتضيع حياتك ونفسيتك على شي مايسوى
ودمتم