السلام عليكم و رحمة الله و بركاته
بصراحه مااعرف ليش قاعده اكتب موضوعي ماادري هل هو فضفضه ولا محتاجه دعائكم ولا مااعرف ليش
خواتي ضاااقت فيني الدنيا مخنوووقة ومو قادره امسك دموعي
تعبانه من هالدنيا اللي ماشفت منها يوم حلو الحمد لله ياربي على كل نعمة :icon33:
خواتي انا عمري 20 سنة و تطلقت مرتييين مغتربه بدولة اجنبيه
طليقي الاول بعد 3 سنين زواج ماصار في اطفال السبب كان مني كان فيني تكيس جربت العلاجات و طفل الانابيب و بس هالتجربه وااايد كانت مؤلمه كل مااتكرها ابجي و اتعب
تحملته لزوجي و حبيته على سلبياته و بعد ماضحيت علشانه وعشت معاه على الحلوة و المره
و صبرت و تحملت عدم خوفه من ربه و الشرب اللي كان يشربه و البنات و الخيانات و مرضه
و بالاخير يجازيني بالطلاق و خلال فترة العدة رجعني لذمته عناد و مارضة يطلق مره ثانيه الا بمبلغ مادي كبير
بعد 9 شهور من طلاقي تقدملي شاب مو متزوج اقتنعت فيه من كل ناحيه و فرحت و قلت رب العالمين عوضني فيه
عشت فترة خطبة معاه حلوة كل يوم الصبح يصبح علي بمسج حلو و كل يوم نعد ليوم زواجنا :icon33:
جهزنا و اثننا شقتنا و اجى يوم العرس ماادري كنت يومها احس بخنقه و ابي ابجي
و صار العرس ورحت معاه لعش الزوجيه اول ليلة كانت حلوووة ماانسى شكله فيها و فرحته و فرحتي انا
كنت احس نفسي اني بحلم حلووو مو مصدقه و اخيرا الدنيا ضحكتلي
لكن مالحقت افرح يابنات والله مالحقت صحيت على كلبوووس هدم احلامي و حياني كلهاا ثالث يوم الزواج بالليل اشوفه مبتعد عني بالليل رحنا ننام كل ماامسك ايده يوخرها يتحجج مافهمت شنو فيه و ماحبيت اسائه بالليل قلت اكيد تعبان و يبي ينام قعدنا الصبح شفت شكله مو طبيعي اللي يشوفه كانه صايرتله مصيبه حاولت افهم شنو اللي مضايقه و بعد جهد صارحني
و ياريته مو مصارحني يابنات قالي احس حااااجز بيني و بينج
مااقدر اشوفج و لا المسك و لا شي قلتله طيب شنو فيني شي مو عاجبك ممكن اغيره
قالي مافي شي يتغير انا مو متقبلك :icon33: اخذنا بالكلام يومها و مافي فايده ولا جواب من اجوبته مقنعه
وينه كلامه بفترة الخطبه عن شكلي ووين لهفته علي وييينها
بعد كم يوم اخذني للشيخ يبي يطلقني الشيخ انصدم من الفترة اللي متزوجينها ومن الاسباب قال مااطلقكم قال اخذ فترة اسبوعين و حاول تراجع نفسك ووقتها اذا قررت تعال
و بعد ماكملنا 8 ايام زواج اخذني لامي مايبيني و مقرر الطلاق بس خايف من الناس و مستحي من اهلي
طبعا اهلي مصدووومين سبحان الله اختي يومها اقترحت علينا نجيب شيخ يقرا عليه لان الشي اللي صار مو طبيعي
وفعلا جابتلنا رقم شيخ هني عدنا يقرا عليه و اجانا للبيت الشيخ و قرا علينا طبعا اول مابدا يقرا فقد وعيه و جسمه اتشنج
وانا بروحي معاه و مع الشيخ لاني مغتربه و ماعدنا احد المهم كنت قاعده و بس دموعي تنزل على المنظر اللي شفته
قال الشيخ هذا سحر قديييم من 10 سنين يمنعه عن النساء و علاجه اقرا عليه و يسمع سورة البقرة و ياخذ عسل و اعشاب مقري عليهم
طليقي التزم بالعلاج بعد جهد جهيد مني الاحقه مثل الطفل علشان يسمع قران و صلاة مايقدر يصلي
الى ان يوم خلاص ماقدر يكمل العلاج كان مشغل التلفزيون و طلعت اغنيه اجيت اسكرها عصب علي
و قالي خلاص ماابي هالعلاج و من يومها وداني لامي و جابلي ورقتي و اغراضي والحين انا بالعده
ماكملت شهر متزوجه و ماتهنيت لا ببيت ولا بزوج اول ماتطلقت عشت فترة صعبه مايعلم فيها الا الله
مو مصدقه كل يوم اصحى الصبح اشوف موبايلي اقول الحين يوديلي مسج يصبح علي كنت مفكرة نفسي بفترة خطبه مو مستوعبه اني اتزوجت و خلاص تركني بعدين اتذكر و اقعد ابكي لين ماخلاص احس روحي راح تطلع
اغراضي فيهم ريييحته كل ماالبس شي اشم ريحته فيهم وريحة البيت :icon33:
لليوم هذا اتذكره و اقول ليش راح مني و الله احس اني مترمله هالمره مو متطلقة
كل ماابني احلامي تتهدم كل ماابني بيت اودعه كل شي احبه اودعه كل شي خسرته
احلامي والله بسيطه والله مو طاليه شي غير الستر و الاستقرار مع زوج احبه و مااخسره
حلمي اكون ام حلمي اشوف نفسي حامل بطني تكبر اجيب طفل احطه على صدري اشوفه يكبر قدامي يشيلني لمن اكبر
حلمي بيت اسكن فيه و مااطلع منه مجبره ودموع على خدي والله بيتي الاول من كثر ماتعلقت فيه لمن رحت الم اغراضي بوست الجدران وودعته
يابنات كرهت كلمة وداع كل مااحب شي و ارتاحله اخسره
العوض عليك يارب العالمين اللهم اجرني في مصيبتي و اخلف لي خيرا منها
عذروني بنات على كلامي يمكن ملخبط انا نفسيتي تعبانه ومايعلم فيها الا الله والحين انا بفترة العده
دعواتكم لي و الله يحفظ لكل وحده فيكم زوجها و اطفالها يارب العالمين
هذا الموضوع مغلق.
الله يعينك
بس حبيبتي انتي متزوجه زوجك الاول وعمرك 16
ييعني معقوله الناس الى الان يزوجون بناتهم وهم بهالاعمار
بس حبيبتي انتي متزوجه زوجك الاول وعمرك 16
ييعني معقوله الناس الى الان يزوجون بناتهم وهم بهالاعمار
الله يصلح شانك الجئي لرب رحيم
سبحانه قادر على وحده على مساعدتك
اكثري من الاستغفار والتسبيح
سبحانه قادر على وحده على مساعدتك
اكثري من الاستغفار والتسبيح
الصفحة الأخيرة
والله اتأثرت كثير ....
الله يجبرك حبيبتي مالك إلا الله هوه القادر على تفريج همك
والله بكتبلك والآذان يأذن ربي يفرج همي وهمك ويجبرنا ويعوضنا خير
انا كمان مطلقة وانظلمت كثير
اشكي لربك واستغفري ولا تيأسي