مطلقة من سنوات ومرة اخوي تقول لي هالكلام

كتبت لكم يا بنات معاناتي اكثر من مرة اللي تتذكرني
مشكلتي اللي حولي ماهم راضين يخلوني بحالي
تعبت في حياتي لدرجة الانهيار وفضلت الانفصال على ان أبقى في العذاب
من بعد طلاقي والضغوط تتوالى علي سواء من أخوة وبعض الأخوات و والديني الله يخليهم لي ويهديهم ويردني انا وياهم للصواب
الكثير من المشاكل والله ورب البيت ماوضعت نفسي فيها بس الكل يرى اني طرف ضعيف بسهولة ينداس
والله اعجز عن وصف معاناتي من جميع نواحي الحياتية كل شي بالنسبة لي صعب بسبب تحكم الأهل وضغوطهم علي حتى صرت استاء من المجمتع بسبب النظرات والحكي اللي اسمعه بحقي وخوف الحريم مني
طوال هاذي السنوات تقدم لي العديد لكن مع الاسف ماربي كتب نصيب والله ان شاء الله مايقطعني ولا يقطع مسلمة سبحانه
والحمد لله الشي اللي هو عوضني فيه ربي وظيفتي والحمد لله مغنيتني عن الحاجة ومدة اليد ومشغلة وقتي رغم مشاكل العمل ولله الحمد
بس جد القى نفسي بفراغ لاينتهي وقت الاجازات
لا اطلع ولا روح ولا اجي صار لي مشاكل كثيرة مع امي وابوي وخبرتهم بحاجتي بالطلعة والاختلاط بالناس والزميلات ووصلت اتهموني بشرفي .. هم من الناس اللي تفكر زي اول بتعنت ولا تتنازل عن رايها
المهم طولت عليكم بالمقدمات ابدخل بالموضوع بس حبيت تأخذون خلفية عن وضعي
حريم اخواني نظامهم يتراسلون و يجتمعون على الحش باخواني وسبهم دايما انا بطبيعة الحال اكره هذا الشي وبرضوا ساكته مع علمي التام والله ما مدحهم لانهم اخواني بس الحقيقة انهم ونعم الرجال قايمين بحريمهم وحاشمينهن حشمة وعيالهم
معي وحدة بالدوام منهن تتعمد بكل مناسبة تسب اخوي وتقلل من شأنه قدام الزميلات
ولا تعتبرني ولا شي
اخوي ذا شهادتي فيه مجروحة معيشها ملكة وانا مالي اي دخل بحياتهم لا من قريب ولا من بعيد
هو فيه نقطة حلوة من بين اخواني يسال عني ويحرجني اذا اي غرض اخبره يوديني للسوق كل ثلاث اربع شهور فقط
انا من غلاته اسولف معه وآمون عليه وأحبه بحكم انه حاس بجزء من حاجتي للي حولي
ولا عمري ذكرت له اللي يحصل من زوجته
مريت بتجربة خطبة فاشلة وساءت نفسيتي بالمررررة الوحيد اللي حس في هو مع العلم انه يقول انا مالي دخل بامور الخطب ولا راح اسال عن احد كان يجي البيت ويشوفني متضايقة ومهمومة كان يبي يسافر طلب مني اروح معه واعتذرت ألح علي إلحاح شديد طبعا ودي بالسفرة بس عارفة خاطر حرمته جا للبيت قال جهزي اغراض خلال ساعة ابجي واحملها رحت معه طول الطريق وهي وبناتها مادين البوز بس كنت اقنع نفسي مالي دخل فيهم دام اخوي هو اللي محرص علي انا مافرضت نفسي تلمح لي بدفع الللوس وطنشت لان اخوي ماطلب مني ولا راح ياخذ وهي مادفعت ولا ريال بنتها بنصف الطريق طلعت كل مكنونها وتفجرت وبدت تذمر من ضيق السيارة وتتكلم وتتهجم وتلعن ابوها وتدعي عليه انا مررة سكت وقَعَدت اطقطق بجوالي طنشت وطول السفرة وهم على هذا الموال كانت أمها تتعذر لي اوقات وانا متاكدة البنت ماجابت ذا الكلام من نفسها تعرفون لما تضيق على ابن آدم وماله حيلة انا كذا بالضبط والله اعاني اعاني اعاني
تسب اخوي عند زميلاتي وتلمح لي دايم انه مقصرة بجمعتهم وانه ليش ما اجمعهم لاحول ولا قوة الا بالله عودتهن اجمعهن واطبخ وانفخ وبالأخير ة الاقيهن يحشن باخواني ويطلعن بانتظار اجمعهم من جديد ندفع الاستراحات حنا يالبنات وتكاليف العشا والقهاوي لين خلاص ملينا كلهم ضيوف شرف وحنا والله تعبنا المهم قطعنا هاذي الطلعات
تقول لي امس وانا جدا مقهورة من كلامها وهنا تبي منكم الرد ليش ماتشترين لاهلك جيب وتخلينا نتمشى ترا كلنا شرينا لاهلنا ليش ماتشيشين العائلة بالطلعة والروحة نبي نجتمع زي الناس تخيلوا مثل هذا الكلام ينقال لوحدة مكسورة لا زوج ولا بيت ولا عيال ولا حتى مال راتبي يادوب مصاريف عيشتي ولبسي
كلامها تلويم علي وعلى اهلي
مادري هالناس كيف تستبعد اللي عند ربها
ماتخاف يجيها يوم وتشرب من نفس الكأس اللي انا قاعدة تتجرع مرارته والحمد لله على كل حال
والله يا بنات اتصبر غي هاذي الحياة حتى مشوار المستشفى صعب اطلب من احد من كل جهة مضغوطة
ع فكرة اختي المتزوجة شاريه لاهلي سيارة ومعليهم قاصر بس السيارة فيها عطل حاليا
علقوا على موقفها الاخير والله احس بنار عيت تطفى من قالتها وانا كنت ساكتة ماعلقت ماعندي ردود حارة ع طول افكر واكل نفسي بالبيت اكل