مطلقه ..ارمله.. عانس

اخواتي السلام عليكم
بصراحه ماني عارفه من وين ابدا موضوعي لكن انا وبصراحه حزينه مما يتعرض له اخواتنا الارامل والمطلقات والعوانس مع تحفظي على الكلمه الاخيرة وبغضي لها
كثير مانكون في جلسات وسهرات ويكون لنا اخوات مطلقات او ارامل والاحظ كما تلاحظون نظرات الناس لهم واللف والدوران بالكلام عليهم وما اقول الاحسبي الله ونعم الوكيل ودايم ما ادفع عنهم سواء كنت اعرف البنت او مااعرفها ولكن احاول الم الموضوع وابعد الناس عن الحديث فيه واحاول لفت نظرهم بموضوع اخر ولكن البعض مافيه معاها فايده ترجع لموضوعها القديم وبسرعه احيانا اواجهه بالوم من اللي معاي ليش تدافعين ايش دخلك بالناس ماعليك منهم بس انا اقول حرام اذا ما دافعت عنهم وكل وحده تقول مالي شغل من اللي لها شغل ومن اللي تدافع عنهم
نظرات الناس ماترحم وكان المطلقه بيدها الحل وكان الارمله هي اللي قتلت زوجها والعانس يحاولون يشعرونها بانقص
خواتي لايهمكم احد فكم من وحده متزوجه وعندها اطفال تعيش حياه النكد وتتمنى انها لم تتزوج وكم من مطلقه سعيده بحياتها بعيد عن زوج الشر وكم من ارمله صبرت واحتسبت فكتب الله لها الجنه بصبرها وتربيه اطفالها الايتام
وكلمه احب اقولها لكل وحده تحب النيل من اخواتها المطلقات والارامل والعوانس لاتدرين يغير الله من حال الى حال ولاتعلمين ماذا يحمل القدر لك ولها فقد يطلقك زوجك وتزوجها لاتدرين قد يموت زوجك وترزق هي بالعريس المناسب والعبرة باللي يضحك بالاخر
بصراحه انا اشعر بالقهر والغيض عند حدوث مثل هذه المواقف واكرة السهرة اللي بها ناس زي كذا واحس كان بيني وبينهم عداوة ما ادري ليش مع ان الموضوع لايعنيني من قريب ولا بعيد لكن اتذكر مثل المومنين فيس توادهم وتلراحمهم ...... ولايؤمن احدكم حتى يحب لاخيه ما يحب لغيره
اتمنى من اخواتنا اللي يعنيهم الموضوع ان يشاركونا بارائهم والمواقف اللي تعرضوا لها وهل انا على حق بدفاعي عنهم وهل لي الحق ان ازعل واشيل بقلبي اذا شفت موقف زي كذا والله ما ادري اللي حولي يقولوا ولا عليك ايش لك فيهم :44: بس وين الاخوة والتعاون اللي بمثل ها الضروف ماتقدر تدافع عن نفسها لازم اخت لها في الله تدافع عنها والا انا غلطانه :06: