ليش اهلك مايبون الناس تدري انك مطلقه !!


ليش المطلقه مريضه ولا مجنونه !
المطلقه شجاعه لانها مارضت على نفسها تعيش ذليله ..




الله يهدي امك ويفتح على قلبها .. اذا مو متحمله الاطفال ارسليهم ل ابوهم يربيهم خصوصاً انهم اولاد اول مايدخلون عمر المراهقه راح يكون كل شيء صعب لان لازم رجل ينهاهم عن كل شيء ..




كلمي خطابه وحطي عيالك عند ابوهم يربيهم ..

تقولين ماعندي هدف بالحياة ؟؟؟
لو ماتطلقتي كان عندك هدف بالحياة؟؟؟
اكثر الحريم مثلك هدفهم عيالهم
الحمد لله ولدك الكبير ١١ سنه يعني رجال تقدرين تروحين اي مكان يعتبر محرم لك


بيني وبينك مااشوف عندك مشكله كبيرة بس انتي جايبه النكد لنفسك
البنت والمتزوجة والمطلقه والارمله نسبه كبيرة جالسات بالبيوت عادي الوضع نفس الروتين اليومي
شغل بيت واكل ونوم
اكيد عندك هوايه طوريها وسوي لك مشروع في الانستقرام منها مال ومنها تشغلين نفسك حتى لو كان طبخ او اعمال يدويه او اي شي انتي شاطرة فيه لو خياطه

ادخلي حلقات تحفيظ بتتغير حياتك من تجربه وأولادك اهتمي بدراستهم بكره يكبروا ويحطوك ف عيونهم الصبر زين وانا اختك

الله يفتح على قلبك يا اختي لا يتزعلين مني لكن ليش كل هذا النظره السودا للحياة كان الحياة ما تكتمل الا بذكر قسم بالله احزن اذا شفت نساء كثيرات في هذا الزمن باقي يفكرون مثل تفكيرك انت السبب في تعاستك وحياتك هذا مع اوضاعنا الحاليه المراة تتوظف اكثر من الرجال ادرسي توظفي عندك هوايه طوريها ابدعي فيها اضحكي اطفالك في حضنك غيرك محرومات منهم بعد طلاق وركض في المحاكم بس علشان تشوفهم ويكون في حضنها عوضيهم غياب ابوهم صيري قويه ليش تتعتبرون انفسهم ضعيفات بدون ذكر انتي قلتيها طليقك عايش حياتها وانتي تبكين ع الذكر ولو ولو وتتمني ترجعي اش تعذيب النفس اللي انتي حاطه نفسك فيه انت لسى صغيره حرام تعيدي في الماضي وتتحسري احمدي ربك واشكريه اهلك موجودين اطفالك في حضنك زوجك لو فيه خير ماكتب لك ربي تتطلقي منه كل اللي انتي فيه منك غيري حياتك وضع المراة الحين تغير معاد تحتاج ذكر يدير حياتها ونصيبك بيجيك اذا ربي كاتب لك لكن الحين ادرسي اشتغلي تعلمي تسوقي سياره دوري على مصدر دخل ربي عيالك احسن تربيه تقربي من ربي وقولي الحمدلله واسفه طولت عليك لكن اتمني انك تعيدي ترتيب حياتك علشان نفسك وعلشان اطفالك لنهم امانه ونعمه عظيمه لا تفرطي فيهم

تدرين ليه سبب كل هذا !!!؟
لأنك مكتئبة حاليا وهالحاله ترى تمر على اي مطلقه فشي عادي .. بس انتي طولتي شوي يعني مفروض تعديتي هالمرحله !!
اول شي تسويه شيلي السوداويه من حياتك ترى منتي اول ولا اخر وحده تتطلق .. ربي اباحه اذا استحالت العيشه بين الزوجين .. ماسويتي منكر !
ثاني شي .. افتحي اليوتيوب بعد مايناموا عيالك وشوفي مقاطع عن تطوير الذات والايجابيه صدقيني حاتك بتتغير كثيييير وراح تكتشفي انك انتي اللي مقفله على نفسك
والله ي اختي انا مريت بظروف اشد واقسى من اللي قريته ف موضوعك .. يعني ماشاء الله دام اهلك كويسين مع عيالك هذي اكبر نعمه ... ترى معاناة اغلب المطلقات في مجتمعنا بعد الطلاق ان اهلهم مايبون عيالهم وهالشي اللي يسبب لهم مشاكل وهموم .. لكن انتي الحمد لله ..
توظفي بالقطاع الخاص بالثانويه.. واذا قدرتي كملي دراستك.. يصير دوامك الصبح مع عيالك وترجعوا مع بعض .. صدقيني اذا خرجتي وشفتي الحياة بتتخلصي من اللي فيه وتطتشفي انك كنتي ظالمه نفسك


الله يفرج همك