مطلقه وبنت .....؟!

كبري الخط ياحبيبتي ما قدرت اقرا

:
احمدي ربك يالغاليه
مطلقة وبنت احسن بمليون مرة من مطلقة ومعها عيال
بتشيلين همهم لين تموتين ..
انتي ربي يحبك لانه فكك من هالزوج الظالم ..بدري
حسبي الله ونعم الوكيل فيه دامه مايبي زواج ومكتفي ليه يتزوج ؟
لا يهمك بتعليقات الناس وكل من يتكلم وقفي بوجهه
انتي ماسويتي شي غلط لاتسمحين لاحد يستغل طلاقك لصالحه
وولد عمك ذا المهبول اللي تقولين عمره 55 ويبيك انتبهي توافقين عليه
صدقيني رزقك بيجيك وربي بيعوضك
ادعي واستغفري وانسي
والله يرزقك باللي يعوضك وينسيك

الله يكون بعونك
يقول الله عز وجل ( وعسى أن تكرهوا شيئا وهو خيرا لكم)‏
تأكدي وثقي تمام الثقه أن اللي حصل لك خير من رب العباد
لاتزعلين ولا تقهرين نفسك
عليك بالدعاء والإستغفار وعسى الله يعوضك باللي أحسن منه
أهتمي بنفسك أكثر ولا يهمك كلام الناس وطليقك لاتدعين عليه
له رب بيحاسبه على ظلمه وتقصيره
دعواتي لك.

ياعمري انتي
الحمدلله على قضاء الله وقدره

الحمدلله انك باقي بنت

هو غلطان بس امكن كان مغصوب عليك؟ ماتدرين وش ظروفه؟ صح انه ظلمك وهدم نفسيتك

بس خليك قويه ولايهزك شي ان شاء الله ربي بعوضك باللي احسن منه

واللي يتكلم عليك ماعليك منه ترى مو بس المطلقه يهرجون فيها لا اللي ماتزوجت تكلموا فيها واللي تتزوج تكلموا وعذربوا فيها وفي زوجها

يعني ماراح تخلصين

رضا الناس غايه لاتدررررررررررررك

دانة العناقر مشكورة على المرور بس كيف اكبره يعني بمشاركة ثانية ماعرف اول مره انزل موضوع
واختي رحيل مشكووووووووورة معك حق ومن شاف مصيبة غيرة هانت علية مصيبته فعلا الله لايحرمكم الاجر