مها غفر الله لها~🤍 :

وش دراما لامن جد!! انا ماقلت هالكلام من عبث ! وحاسه بكل طفل يفقد امه مو من الخلا هذا الشي صار عندنا وصرت اكرررره موضوع الانفصال بدون سبب خصوصاً اذا عندك اطفال وحياتك تمشي الحال انا عند اخواني الصغار من عمتي حرمة ابوي الثانية يوم تركتهم اخر واحد ماكمل سنتين وكلهم اعمارهم صغار حتى المدرسه مادخلوها وابوي ماكان يقصر معها ف شي حتى الطبخ وكل شي ع امي وهي معطيها حقوقها كامله وزود وحنا يالبنات نجي ننظف بيتها احيانا بأمر من ابوي المهم عدت السنين وكل سنه حامل وحاطه عندنا الورع هذا نغير له وهذا نرضعه حتى المستشفى كانت امي تروح مع اخواني يودونهم بالعربي ماقصر عليها بشي !وفالسنين الاخيره حطت ف راسها انها تسكن ف منطقتهم وتبي ابوي يسكنها هناك مع منطقتهم تبعد ٧٠٠ كيلو عنا وهي مصرة وابوي رفض بالاخير قالت ودني اهلي زياره وابوي كان حاس فيه شي وخلى الاطفال عندنا حتى ابو سنتين وراحت اخذت الشهر الاول مالها حس والشهر الثاني وبعد العيد اكتشفنا رافعه قضية خلع وحضانه ومشاكل ذيك السنه وراحت الحضانه لأبوي وعاد كانت ذيك السنه خلاص بنتزوج انا واختي اختي تدفع مهرها وانا لسى باقي وانهرنا وتعب نفسياتنا بس الحمدلله ع كل حال دفعنا لأختي وحاولنا نتجاوز الوضع بسلام وتزوجت وقعدت انا وامي نربي العيال وماأتكلم عن مر ذيك الأيام صعبه مايعلم بها الا الله عاد ابوي جاه نوع من الوسوسه عليهم مايدانيهم يصيحون ولا يبكون واذا بكوا حط اللوم علينا انكم ماتحبونهم ومن ذا الكلام المهم مرا الايام وقرب زواجي واخذ ابوي نص المهر مني بحكم اشغال خاصه ورضيت ومشيت الحال وذيك الايام طول ماانا ادفع مهري قاعده اهتم فيهم لآخر يوم قبل زواجي ويوم تزوجت ابوي جاه حاله ع امي ماعاد يدانيها مع انها صابره عليه ومحملها مسؤولية عياله وهي اطيب قلب تعاملهم زي معاملة عيالها واطيب بعد واذا راحت تقضي تجيب لهم العاب واغراض معها بدون مايطلبون الله يكتب اجرها ع قد ماتعبت واكثر وابوي بدا يستفزها ويشكك فيها واذا صاح الورع قام عليها لدرجة الاطفال صاروا من عنف ابوي ع امي صاروا هم الي يضربونها ويتلقفون عليها واذا طلعت بالحوش تتقهوى يحذفونها وانا بيتي قريب جيتهم بعد اسبوع لين امي تعبانه متغير وجهها وصاابره ولا تعلمني واخذت ٣ شهور ع هالحال واخر شي دقت علي قالت تعالي ابيك بموضوع ورحت لها ويوم دخلت لين وجه امي موب طيب المره ذي تعبااانه نفسيتها قالت تعالي بكلمك وجيتها قالت انا خلاص ماعاد اقدر اتحمل ابطلع من البيت وانتم كبرتم ماعادكم صغار كل واحد يتحمل مسؤولية نفسه 💔آخ يوم قالت لي ذاك اليوم حسيت هموم الدنيا فوق راسي وقعدت ابكي واحاول فيها لن امي مصررره هالمره ع الطلاق وكانت تواسيني اذا انهرت مره تقول امزح بس ابطلع لجدتك ارتاح عندها شهرين واجيكم المهم بالفعل راحت الغاليه بعد سنين من المعاناة وابوي كان طاردها قبلها بليله ويوم راحت وقعدت شهرين وكانت مصرة ع الطلاق بس حنت انا وكلمت ابوي قالت برجع لعيالي ورفض وقعد يسبها وقفلت وتعبت نفسيتها زياده وراح كتب ورقتها وعطاها اياه 💔اللحظه ذيك ايقنت اني انا صرت المسؤوله بالرغم توني عروس لكن الحمدلله ع كل حال صرت اجيهم من بيتي اذا راح الرجال اقعد عندهم واغسل ذا وادرس ذا وحتى اخواني الي فيهم سكر كلهم في اعمارهم ١٧ و١٢ كنت اقوم فيهم واعطيهم علاجاتهم واختي الصغيره تساعدني وتحملنا شي مايعلم به الا الله والصغير ابو سنتين تعلق فيني بقوه صار يحسبني امه ويتقطع قلبه اذا رحت لبيتي لدرجة ان ابوي قال اخذيه ربيه عندك فالبيت !ورفضت وكبروا الصغار وابو سنتين دخل المدرسه السنه ذي الحمدلله وعدت السنين الصعبببه 😞💔برحمة ربي والحين اذا جلست مع اخواني الصغار يكسرون خاطري بسؤالاتهم الي بعضهم مالقى لها اجابة يسألون ليش امي راحت وخلتنا واذا قلت يابابا خلاص امك تطلقت يقول طيب ليش مااخذتنا عندها حنا مانبي هذا البيت واسكت مالقى اجابه واحيانا البنت تبكي وتكلم امها تقول ليش خليتينا مع انها تكلمهم وتتواصل معهم بس كل ذا مايشبع الطفل 💔الطفل محتاج حنان امه بقربه حتى شوفتها كل صبح قدامه تسوى عنده الشي الكثير بس وصدق رسول الله يوم قال (أيما أمرأة سألت الطلاق من غير بأس لم ترح رائحة الجنة) صراحة الي شفته قدام عيني وصار ف حياتنا شي يدمي القلب لكن الحمدلله ع كل حال مع ان اخواني الصغار كبروا شوي لكن فرررررق باين عليهم الي فاقد له شي وللحين احس بكسرتهم بس مابيدي شي واحيانا وانا جالسه يسبون امهم واحس صاير عندهم مشاعر سلبيه تجاهها وحتى لو اقول ماعليه يابابا بكره تكبر وتروح لها يرضى يوم ويرجع لحالته متضايق من امه والشي الي لاحظته ان الاطفال ماينسون الي يحسن لهم بعد فترة من طلاق امي وجات تزورني في بيتي ناديت اخواني كلهم الصغار والكبار ولما شافوا امي قعدوا يحضنونهااا ويجلسون جنبها ويسولفون معها واشوف الحب لها ف عيونهم وهي الغاليه الله يجزاها خير اذا جات جابت لهم عصيرات وبساكيت حتى بعد طلاقها ماتركت هالعاده عشان كذا الطلااااااق بدون سبب ظلم ظلم ظلم خاصة ظلم للعيال قبل الزوج ونصيحه من البداية ماعجبك حياتك لاتخلفين وتجيبين اطفال يتأذون نفسياً اذا انتي تعبانه نفسيتك فكري فيهم لاتصيرين انانيه اخذيهم معك ع الاقل هم بعد بكرا تتعب نفسياتهم ويذوقون المر من المسؤول !؟ كلكم راع وكلكم مسؤول عن رعيته

وش دراما لامن جد!! انا ماقلت هالكلام من عبث ! وحاسه بكل طفل يفقد امه مو من الخلا هذا الشي صار...

مها غفر الله لها~🤍 :

وش دراما لامن جد!! انا ماقلت هالكلام من عبث ! وحاسه بكل طفل يفقد امه مو من الخلا هذا الشي صار عندنا وصرت اكرررره موضوع الانفصال بدون سبب خصوصاً اذا عندك اطفال وحياتك تمشي الحال انا عند اخواني الصغار من عمتي حرمة ابوي الثانية يوم تركتهم اخر واحد ماكمل سنتين وكلهم اعمارهم صغار حتى المدرسه مادخلوها وابوي ماكان يقصر معها ف شي حتى الطبخ وكل شي ع امي وهي معطيها حقوقها كامله وزود وحنا يالبنات نجي ننظف بيتها احيانا بأمر من ابوي المهم عدت السنين وكل سنه حامل وحاطه عندنا الورع هذا نغير له وهذا نرضعه حتى المستشفى كانت امي تروح مع اخواني يودونهم بالعربي ماقصر عليها بشي !وفالسنين الاخيره حطت ف راسها انها تسكن ف منطقتهم وتبي ابوي يسكنها هناك مع منطقتهم تبعد ٧٠٠ كيلو عنا وهي مصرة وابوي رفض بالاخير قالت ودني اهلي زياره وابوي كان حاس فيه شي وخلى الاطفال عندنا حتى ابو سنتين وراحت اخذت الشهر الاول مالها حس والشهر الثاني وبعد العيد اكتشفنا رافعه قضية خلع وحضانه ومشاكل ذيك السنه وراحت الحضانه لأبوي وعاد كانت ذيك السنه خلاص بنتزوج انا واختي اختي تدفع مهرها وانا لسى باقي وانهرنا وتعب نفسياتنا بس الحمدلله ع كل حال دفعنا لأختي وحاولنا نتجاوز الوضع بسلام وتزوجت وقعدت انا وامي نربي العيال وماأتكلم عن مر ذيك الأيام صعبه مايعلم بها الا الله عاد ابوي جاه نوع من الوسوسه عليهم مايدانيهم يصيحون ولا يبكون واذا بكوا حط اللوم علينا انكم ماتحبونهم ومن ذا الكلام المهم مرا الايام وقرب زواجي واخذ ابوي نص المهر مني بحكم اشغال خاصه ورضيت ومشيت الحال وذيك الايام طول ماانا ادفع مهري قاعده اهتم فيهم لآخر يوم قبل زواجي ويوم تزوجت ابوي جاه حاله ع امي ماعاد يدانيها مع انها صابره عليه ومحملها مسؤولية عياله وهي اطيب قلب تعاملهم زي معاملة عيالها واطيب بعد واذا راحت تقضي تجيب لهم العاب واغراض معها بدون مايطلبون الله يكتب اجرها ع قد ماتعبت واكثر وابوي بدا يستفزها ويشكك فيها واذا صاح الورع قام عليها لدرجة الاطفال صاروا من عنف ابوي ع امي صاروا هم الي يضربونها ويتلقفون عليها واذا طلعت بالحوش تتقهوى يحذفونها وانا بيتي قريب جيتهم بعد اسبوع لين امي تعبانه متغير وجهها وصاابره ولا تعلمني واخذت ٣ شهور ع هالحال واخر شي دقت علي قالت تعالي ابيك بموضوع ورحت لها ويوم دخلت لين وجه امي موب طيب المره ذي تعبااانه نفسيتها قالت تعالي بكلمك وجيتها قالت انا خلاص ماعاد اقدر اتحمل ابطلع من البيت وانتم كبرتم ماعادكم صغار كل واحد يتحمل مسؤولية نفسه 💔آخ يوم قالت لي ذاك اليوم حسيت هموم الدنيا فوق راسي وقعدت ابكي واحاول فيها لن امي مصررره هالمره ع الطلاق وكانت تواسيني اذا انهرت مره تقول امزح بس ابطلع لجدتك ارتاح عندها شهرين واجيكم المهم بالفعل راحت الغاليه بعد سنين من المعاناة وابوي كان طاردها قبلها بليله ويوم راحت وقعدت شهرين وكانت مصرة ع الطلاق بس حنت انا وكلمت ابوي قالت برجع لعيالي ورفض وقعد يسبها وقفلت وتعبت نفسيتها زياده وراح كتب ورقتها وعطاها اياه 💔اللحظه ذيك ايقنت اني انا صرت المسؤوله بالرغم توني عروس لكن الحمدلله ع كل حال صرت اجيهم من بيتي اذا راح الرجال اقعد عندهم واغسل ذا وادرس ذا وحتى اخواني الي فيهم سكر كلهم في اعمارهم ١٧ و١٢ كنت اقوم فيهم واعطيهم علاجاتهم واختي الصغيره تساعدني وتحملنا شي مايعلم به الا الله والصغير ابو سنتين تعلق فيني بقوه صار يحسبني امه ويتقطع قلبه اذا رحت لبيتي لدرجة ان ابوي قال اخذيه ربيه عندك فالبيت !ورفضت وكبروا الصغار وابو سنتين دخل المدرسه السنه ذي الحمدلله وعدت السنين الصعبببه 😞💔برحمة ربي والحين اذا جلست مع اخواني الصغار يكسرون خاطري بسؤالاتهم الي بعضهم مالقى لها اجابة يسألون ليش امي راحت وخلتنا واذا قلت يابابا خلاص امك تطلقت يقول طيب ليش مااخذتنا عندها حنا مانبي هذا البيت واسكت مالقى اجابه واحيانا البنت تبكي وتكلم امها تقول ليش خليتينا مع انها تكلمهم وتتواصل معهم بس كل ذا مايشبع الطفل 💔الطفل محتاج حنان امه بقربه حتى شوفتها كل صبح قدامه تسوى عنده الشي الكثير بس وصدق رسول الله يوم قال (أيما أمرأة سألت الطلاق من غير بأس لم ترح رائحة الجنة) صراحة الي شفته قدام عيني وصار ف حياتنا شي يدمي القلب لكن الحمدلله ع كل حال مع ان اخواني الصغار كبروا شوي لكن فرررررق باين عليهم الي فاقد له شي وللحين احس بكسرتهم بس مابيدي شي واحيانا وانا جالسه يسبون امهم واحس صاير عندهم مشاعر سلبيه تجاهها وحتى لو اقول ماعليه يابابا بكره تكبر وتروح لها يرضى يوم ويرجع لحالته متضايق من امه والشي الي لاحظته ان الاطفال ماينسون الي يحسن لهم بعد فترة من طلاق امي وجات تزورني في بيتي ناديت اخواني كلهم الصغار والكبار ولما شافوا امي قعدوا يحضنونهااا ويجلسون جنبها ويسولفون معها واشوف الحب لها ف عيونهم وهي الغاليه الله يجزاها خير اذا جات جابت لهم عصيرات وبساكيت حتى بعد طلاقها ماتركت هالعاده عشان كذا الطلااااااق بدون سبب ظلم ظلم ظلم خاصة ظلم للعيال قبل الزوج ونصيحه من البداية ماعجبك حياتك لاتخلفين وتجيبين اطفال يتأذون نفسياً اذا انتي تعبانه نفسيتك فكري فيهم لاتصيرين انانيه اخذيهم معك ع الاقل هم بعد بكرا تتعب نفسياتهم ويذوقون المر من المسؤول !؟ كلكم راع وكلكم مسؤول عن رعيته

وش دراما لامن جد!! انا ماقلت هالكلام من عبث ! وحاسه بكل طفل يفقد امه مو من الخلا هذا الشي صار...

تنآقض :

كلامك وقصتك تحزن 😞 الله يسعدك ويسهل لكم الخير🩵

كلامك وقصتك تحزن 😞 الله يسعدك ويسهل لكم الخير🩵

غلآ الكون :

انا معااك فعلا وكلامك كله صصح صح الطلاق يووجع لكن بشرط الام ماتتخلى عن اطفالها تتابع معاهم وتشوفهم اما زي اللي بقصتك ترميهم لا مو كل ام كذا ترى ولا كل طلاق كذا وياقلبي امك اتحملت وصبرت المفروض اذا تبغى الطلاق توقفين معاها عشان نفسيتها خلاص انتم كبار مو تزودونها انا ضضد ان الوحده تتحمل عشان عيالها العيال مو صاير لهم شي بالعكس بتتعب نفسيتهم اذا شافوا الاب يعامل الام معامله سيئه وبيتأثروا من ضيقة امهم بس دايم اقول اللي بتطلق تكون قدها عشان لاتمرمطها الدنيا وتتخلى عن عيالها غصبا عنها

انا معااك فعلا وكلامك كله صصح صح الطلاق يووجع لكن بشرط الام ماتتخلى عن اطفالها تتابع معاهم...