مطلقه وصاحب اللكزس الحقير خرب حياتي احس اني قاعده اتدمر شوي شوي 💔

السلام عليكم خواتي اعتبروني اختكم الصغيره اعتبروني بنتكم اعتبروني اللي تعتبرون بس المهم تنصحوني نصيحه محبه
انا بنت عشت عند جدتي بحكم انفصال امي وابوي لين تزوجت طبعا تزوجت شخص مدمن الله لايوفق من كان السبب بكل زواجي الله يحرق قلوبهم زوجوني اياه على اساس انه شخص مستقيم طلع مدمن وراعي بنات وشرب وصفني باشبع الوصف قالي انتي شاذه انتي حقيره انتي تكرهين اهلي انتي شينه طبعا كل هالصفات قالها وهو بحاله سكر واذ صحى ع نفسه تاسف وقال عكس الكلام ويقولي وش هالزين انا حيوان اللي عندي مثلك واخربط وجاب لي ورد واخذ اجازه من دوامه نغير جو نسافر اي مكان بس ابو طبيع مايجوز عن طبعه كلها شهر ويرجع ماصبرت وتطلقت بدون اطفال
رجعت اعيش مع جدتي الحياه عندها حلوه
يوم من الايام رحت اقدم ع وظيفه هالكلام بشهر ٣ وكان التقديم بقسم الرجال انا مامعي احد ويمكن ثنتنن بس نزلني ولد اخوي وراح جامعته وواقفه كنت لحالي وفيه ثنتني بلحالهم
جاني واحد عمره اخر الاربعين تقريبا ونزل من ذاك الجيب الكزس اللي يلمع لمع وقام يترزز قالي اختي وقفتك هنا ماهي عاجبتني عطيني اوراقك اقدمها للموظف قلت وحضرتك مين ؟ ويطلع الستكر اللي معلقه على رقبته قال انا المدير بالقطاع
قلت لا شكرا اخوي انا اقدم بنفسي قال براحتك بس هذا سناب القطاع اللي بتقدمين عليه قلت زين واخذت سنابه
طبعا ماحصل لي نصيب بالتوظيف قبل شهر نزلو وظايف وتناسبني مره مبدئيا وع طول دخلت خاص وقلت وش المطلوب قال من معي قلت انا هذيك البنت اللي واقفه ومحتاجه الوظيفه انا مطلقه وعندي فراغ قلتها بحسن نيه قال اعتبري وظيفتك جاهزه انا احسك محتاجه هالوظيفه من وقفتك ذاك اليوم وطلعت اصلا فترتين وماتناسبني وسحبت ولا عطيته اي معلومه عني
من يومها يابنات يرسل خاص صوره ويصور لي وهو يسوق اللكزس وقالي اذ احتجتي اي شي قولي لي اعتبريني اخوك انا طحت على خشمي من اسلوبه وتعلقت فيه طبعا طلع الاخ في الله متزوج وعمره باخر الاربعين بس شكليا تقولون اخر الثلاثين
ويقولي انت سعادتي انا مابي الا سعادتك وانا ادري انه يكذب علي هو همه اني ادلعه بهذيك الامور لاني معطيته جوه
انا تغيرت حياتي بعده احس بالسعاده وقت مايتغزل فيني الوقت الباقي احس بطفش طبعا ماقالي ارسلي صورتك ابدا ولا طلب اي معلومه عني غير انه يقول ابي رومنسيه وحكي حلو منك
هو صح محسسني بانوثتي وقيمتي يصبحني ويمسيني على كلام حلو الكلام اللي ماسمعته بحياتي ويقول ياميرتي يادلعوتي اعتبريني زوجك وحبيبك
انا يابنات احس اني ماني مرتاحه بالعلاقه معه احس السعاده اللي قاعده ادورها ماهي هنا
كنت صح اضيق واطفش وامل بس كنت وحده نظيفه وحده عندها مبادئ كل يوم اتجرا معه اكثر من اليوم اللي قبله وهو يقول انتي مبدعه اقوله ماتخاف زوجتك تكشفم يقول انا اعطي كلن حقه بالبيت مامسك الجوال
حقييير يابنات جذبني باسلوبه صح بس معتبرني تفريغ حق هذيك الامور بوقت فضاوته يقولي انتي عندك غير غير عن كل الحريم قسم بالله اني كاره حياتي واذ لبست عباتي اقول بيني وبين نفسي انتي انسانه وسخه انتي حقيره كيف تسوين هالقرف وتتغطين اللحين
آه آه يابنات قسم باله اني ضايعه انا الظروف اللي وصلتني كذا انا ماحد معطيني وجه بالحياه الا اذ رحت مناسبات يمدحوني وانبسط ابي احد يحسسسني بقيمتي
كلامي على بعضه بس ان شاء الله وضحت لكم مشكلتي بالصوره الصحيحه محتاجه توجيه نصيحه دعاء ان الله يرفع عني