مطلقه وعندك اطفال اتفضلي

الله يسخر لك الصحبه الصالحه

الله يعوضك كل خير يارب

حبيبتي اذا حابه نتكلم على الخاص انا موجوده

تسلمي قلبي انا عملت لك اضافة صداقه

اااه بس
اختي لاتظنين انك الوحيدة في الدنيا الي تمر بالي تمرين فيه غيرك يمر بمثل ظرفك ووضعك واخسس بعد

عندك انا مثلا الان عمري 26 سنه مطلقه عندي ولد وحامل بشهري التاسع , تطلقت من ستة شهور

اعيش حالة غير طبيعيه ضياع هم وحدة عزله اكتئاب قهرر والم

اكل واشرب وانام واحيانا بالشهر مره اطلع ولكن احسن كني مثل الميته يعني احس مافيني روح اوحياة صغيرة بالسن لكن احس لما اناظر نفسي بالمرايه كني شايبه ام اربعين سنه

عايشه مع اهلي لكن احس نفسي غريبه غريبه بينهم ...
صدقيني لو اجلس شهر كامل بغرفتي محد سال عني او حسسوني باهتمامهم

شلت هم تربيه عيال وانا بسن صغير نفسي اطلع وافرفش واستانس واوسع صدري واعيش حياتي مثل باقي البنات
نفسي يكون لي صديقه ماني طماعه ابي صديقه بس تكون قريبه من قلبي وحياتي تعرف ظروفي وتساعدني وتكون الاخت والصديقه الي اقدر افضفض لها او اقول لها كل الي بخاطري , وبالمقابل تنصحني وتوجهني وتكون حازمه معي في اوقات وحنونه في اوقات

تعبانه من كل شي حووولي كل شي مايوسع الصدددر ولا يونسس

تدرين لما اناظرفي بطني اقول مش حرام مش حرام حامل ومافي زوج
مش حرام حولي عيال من غير رجل واب وسند استند عليه لامالت ظروفي
الوضع الطبيعي لاي حامل يكون جنبها رجل يساندهااا ويوقف معها ويحسسها بالامان وانا ماحولي احد
لاررحت مواعيدي بالمستشفى اروحها بروحي امتر المستشفى تمتير كل الي بالمستشفى يناظروني حامل من غير زوج حاجه غريبه صحيح !! ااه يارب

ودايم اذا رحت مواعيدي يسالوني (( وير ازز يور هزبند )) يعني وين زوجك ,
اقول ماعندي زوج .. وتبحلق الممرضه فيني مسستغربه وين زوجها هذي ماخطر على بالها اني منفصله !! وانا دمعتي تنزل واحاول امسحها استحي احد يشوفني
احس بجررررح عميق في داخلي لما احد يسالني عن زوجي في المستشفيات
اجلس ابكي في المستشفى وادخل دورات المياه علشان محد يشوفني

مرة كنت رايحه المستشفى علشان الله يكرمكم عندي التهابات مع الحمل ودخلت على الطوارئ
صعدوني غرفة الولادة .. يوم دخلتها جاني احساس غريب .. حسيت بخوف ووحده ورهبه من المكان تمنيت لو وجي معي مثل ولدتي الاولى كان معي حتى وقت ولادتي

المهم .. دخلت كشفت علي قمت اصاااارخ من الالم .. كان كشفها زي وجهها ودمووووعي اربع اربع
وتكملها علي الممرضه .. تقول وين زوجك .. واخوي جالس في الباركن ( مواقف السيارات ) وجوالي طفى شحنه

تخيلوووو تقفلللللت بوجهي .. لاحولي زوج ولا اخ ولاني قادرة اتصل على احد ...
هنا استسلمت للدمووووع والبكي وصرت ابكي بحرقه ومن قلب واقووول وينك لو انت معي الحين وينك !!

بعد الصياح والنياح تعوذت من الشيطان وقمت نزلت الصيدليه اصرف الدواا
الا يعطيني الصيدلاني .. نوعين من الادويه .. واحد قال هذا لك يعني لي انا .. وحبوب لزوجك!!

انا طارت عيوني ماعرفت وش اقول هي صدمه هي قهر هي جروووح تفتحت .. حرام توني فوق ميته من البكي ليش يزود دها علي الصيدلاني . .. لا واعيد كلامه اقوله دوى لزوجي !! .. هو يفكرني اساله بتاكد .. يقول اي دوى لزوجك وهو منزل راسه مستحي الاخ... بلاه مايدري !!
اخذت ادويتي ودوا زوجي المجهووول الغير موجود اصلا . ومشيت والعبرة تخنقني !!

حتى بالمولات اتعذذذب عذاب الله يعلم فيه , لما اروح لوحدي ادور بعربية بنتي وبطني ماشاء الله قدام من غير رجل
مااشوف قبالي او حولي الا كل وحده وجنبها ولد او بنت وزوجها يدف عربيه في صغنون ويمشون مستانسين الا انا وحيدة الف المجمع وربي حتى بالمجمعات ابكي على حالي ونفسي .. فجاه كذا في غمضة عين صرت لوحدي طار الرجل
ولا اشوف ثنين ماسكين ايد بعض ويتبسمون وماشين ومبسوطين ومستانسين في المجمع مافي الا انا اندب حظي العاثر وحياتي المريره .. وكل مافكرت بشي على طوول دموعي ع الباب تنتظر اشارة حتى تنزل .. واحس فشله اخاف احد يشوفني ابكي او يحسون من عيوني اني بكيانه .. مليييييت من هالحال مليت ..

ياجماعه الطلاق عذاب وحرقه وقهرر
ياكل المتزوجات لاتتطلقون حافظو على رجالكم .. كلامي للي تطلب الطلاق اما الي يطلقها زوجها من كيفه مثلي
هذي مدري وش اقول غير الله يعيني ويعينها !!

لدرجه حتى ابوي وامي يعايروني بطلاقي بعد خمس شهووور لما ملو مني وطفشو وحسو اني مثل العظمه بحلوقهم
صارو يعيروني ماقدرو ضعفي وحالتي الي انا فيها وانكساري والمي
اتحمل ايش ولا ايش ... مسؤوليه تربية عيالي .. ولا تعب حملي .. والجنين الي جاي .. ولا تعبي النفسي
ولاوظيفه اصرف فيها على نفسي حتى اامن حياة عيالي

ابووي يعايرني يقولي انتي سزيتي وفعلتي له تستاهلين , وغباءك وصلك للي انتي فيه .. بالله في اب يقول كذا وين الرحمه وين الحنان وين الابوه الي نسمع فيها عند الغرب بس عندنا مافي الا تحطيم وحرق اعصاب وكسر القلوب

وامي امي الي اعتبرتها الانسانه الوحيدة القريبه من قلبي ..تقول هو ماكان يضربك الا من طوالة لسانك .!
الله واكبر للدرجه هذي صار عادي عند الولدين بناتهم ينضربون وينهانون .. !
تقول هالكلام وكانها ماشافتني وانا ياما جيت ودماميني تسيل والكدمات في وجهي واجزاء من جسمي !!
هو رفس هو ضرب هو صقع بالجدران حتى الجزمه ماسلمت منها

اااه ياناس تعبت من هالحياة والحين على وشك ولادة خايفه مرره ماحولي احد ,
حملي هذا صعب مره لان نفسيتي دمااار فاثر هالشي على حملي

كل تفكيري الان متى اولد وارتاح يارب تسهل علي ولادتي ...

ادعولي ان الله يجعل ولادتي هذي سهله يسيرة ويجعلها برد وسلام على جسدي
كما جعل النار برد وسلام على ابراهيم .. امين يارب
ويعوضني ربي برجل يكون خيررر زوج لي وخيرر اب لعيالي