مطلقه ..ومتقدم لي عريس شوروا علي

الأسرة والمجتمع

السلام عليكم ورحمة الله

خواتي انا مطلقه من 4شهور
وخلال هالفتره تقدم لي خطاب ولكن رفضتهم
لاني مازلت متأثره ومومصدقه اللي حصلي
تزوجت من شخص يعزني ويحبني واهله يعزوني ومخليني تاااج ع راسهم 
وفوق طيبهم هم ناااس اهل عززز وساكنه في قصر معهم وعمري ماشفت زي معاملتهم مثل اي بنت تتمنى كان ونعم الزوج ونعم اهل الزوج بكل ماتحمل الكلمه من معنى..المهم عشت مع هالانسان 2 وشهرين وطلقني بدووون سبب واضح رغم حبه لي اصبحت ولاشي بالنسبه له واهله انقطعوا ولا عاد سألوا عني مع اني كنت ونعم الزوجه وزوجة الابن ومازاد حبهم لي واحترامهم الا من طيبي واحترامي لهم يعني كانت اموووري زي الفل رالحين في لمحة عين كل شي تغير واصبحت مطلقه ولا ادري مالسبب ويجيني كلام انه اهله متحسفين وتعبانين عليا بس استسلموا لقرار ولدهم رغم انه عقيم وللعلم ماهو هذا سبب الطلاق وهو يعرف كم احبه ومستحيل يطلقني عشان انه عقيم لانه جدا متعلق فيني المهم الان خلاص حصل الطلاق ،،والان تقدم لي عريس بمواصفات حلوه رغم اني رفضته ولكن تقدم لي مره ثانيه
سبب رفضي تعلقي بطليقي  مازلت عندي امل يرد لي مع انه كثير كلموه بس خلاص قطع الرجا..ولكن مازلت احبه وتوي طالعه من العده وانا كنت بعمل برنامج وادعي ربي يرد لي طليقي ولكن هذا الشخص المتقدم مصر ويبيني رغم انه لم يسبق له الزواج وهو من الاقارب بس انا خايفه استعجل لعل الله يكتب لي الرجعه لطليقي

اخواتي شوروا علي والله اني بين نارين اخاف استعجل وان شاءالله اليوم بصلي استخاره ولكن ماني قادره ع قلبي !
77
10K

يلزم عليك تسجيل الدخول أولًا لكتابة تعليق.

تسجيل دخول

لمياء الحلوة
لمياء الحلوة
برايي لاحسافة عليه مع سلامة وش تبينه هو الحين بيدور غيرك وانتي تحلمي وتعطلي بسببه
علميه انك كمان تقدرين تاسسين حياة جديدة لايحطمك
قولي اصلا هو ماعرف قيمتي هو الخسران
واقرئي سورة البقرة دوما
ترى ذالحين جلسة المطلقة بالبيت صعبة
الله يوفقك
والله اعلم
لا للخلطات
لا للخلطات
الله اعلم وش سبب طلاقك
يمكن ضغط ع نفسه عشان تشوفين حياتك وذريتك

مهما كان السبب, دامك تطلقتي خلاص انسي اللي فات
وادعي الله يمسح على قلبك ويعوضك خير

بالنسبة للعريس الجديد اسئلوا عنه واستخيري
يمكن يكون رجال طيب ويجيك اطفال منه يملون عليك حياتك

بصراحة 4 شهور فترة قصييييرة جداً عشان تدخلي في زواج جديد,
لكن تعرفي وضعنا في هالمجتمع, مو كل يوم يجيك صاحب الدين والاخلاق, وكمان ماعنده زوجة .. فعشان كذا فكري بعقلك مو بقلبك
.. أحبكم ..
.. أحبكم ..
وعليكم السلام ورحمة الله وبركاته

أنا لو كنت مكانك ماراح أستعجل بالزواج
قلبك توه غض وطري وجرحك لسه مابرى
خذي كفايتك من الوقت حتى تتجاوزين هالأزمة لاتدخلين بمشروع زواج وقلبك بمكان ثاني وماعندك استعداد نفسي
انا راح اقول لك اصبري ولا تستعجلين مو عشان يرجع لك زوجك لا لا
اصبري عشان نفسك ونفسيتك

فوضي أمرك لله وماتدرين لعل اللي صار خيرة لك

الله يفرج همك ويريح قلبك
leen1434
leen1434
استخيري ووافقي نصيحة لو مافيه عيب وافقي لاتتحسفي بعدين

وانسي طليقك مايستااااااهل .
@--@
@--@
انتي تسوين برنامج دعاء وعباده عشان يرجع طليقك ؟؟

طيب وش السبب إنك ما ودك تصيرين ام ؟؟

يعني انتي عارفه لو رجعتي لطليقك اغلب الظن مارح تكونين أم ..... وهالشي غريب يعني ليش مصره عليه ؟؟