احس مش قاعدة سيبيك من كلامهم بنت خالتي تطلقت وتزوجت اعزب بعدها بسنة تقريباً


فعادي مافي قاعدة كل وحدة ونصيبها عليك بالدعاء والله يوفقك

بالناس اللي حولي ما مر علي مطلقه تزوجت اعزب
ما عدا وحده تزوجت اعزب لكن فيه مرض نفسي، و مع ذلك رزقها الله منه طفل قبل كم شهر


اللي اشوفه الغالب في مجتمعنا ان العزاب و الشباب بشكل عام
و بنسبة ٩٩% يفضلون البكر الصغيره
هذا غير نسبة العنوسه اللي بازدياد ، فطبيعي امك و جدتك يصدر منهن هالكلام
هن ينظرن للواقع اللي عايشين فيه و ما يعني ان زواج المطلقه من اعزب مستحيل
لكن اشوفه ناااااادر جدا ، خصوصا مع وجود المعتقدات الجاهليه السائده


تشوفين اللي عمره ٣٤ يبي اللي عمرها ١٨ و حتى المعددين
تلقين اللي يشطح و يبيها بكرا حتى على قولتهم "يجدد فراشه"
هذا الواقع حتى لو غمضنا عيونا عنه


اللي شدني اصرارك على اعزب ، اللي انتي تطلقتي منه
كان معدد و الا اعزب ؟؟ اعزب طبعا
يعني ممكن تتزوجين اعزب و تتطلقين للمره الثانيه
و ممكن تتزوجين معدد و يرزقك الله منه ذريه و تستمرين معه
فأنتي ما تدرين وين الخيره


الله يرزقك الزوج اللي يسعدك و يهنيك ايا كان 🌼

شوفي حبيبتي لاتيأسي اختي من تطلقت اقسم بالله حتى اصحاب زوجها خطبوها والله والله مااكذب بكلمة اللي متزوج ورفضته واللي مطلق ورفضته واللي عزابي وخربان لاوظيفه ولااخلاق ورفضته وناس اخلاقهم وسمعتهم ماشاءالله بس معددين ورفضتهم جلست سنه بعد طلاقها والخطاب وربي من كل مكان بس للامانه اختي ملكة جمال واخلاقها عاليه مع الكل ..وكانت تستغفر وتصلي قيام الليل ولمن اناتزوجت جلست شهر بعد زواجي واهل زوجي مصرررين عليها وانخطبت لاخو زوجي اكبر. منها بسنه وتوه متعين مدرس وعزابي واطيب واحن من قلبه مافي ماشاءالله تبارك الله
الله يسعدك يارب ويرزقك حتى انتي لاتيأسي ابدا استغفري ربك كل يوم وصلي الوتر وادعي

بعدين انا منصدمة من بعض الردود اللي تقول انتي وحظك اوعمرك او جمالك واللي تقول مطلقه مستحيل تتزوج عزوبي
بنات ايش هذا حرام كذا كأن ماعندك ثقه في ربي اللي يوكل امره لله ويدعي ربه والله مايخيبه يعني انتو تثقون في عقليات المجتمع اللي عندكم ولاتثقون بالقضا والقدر
ياكثرمطلقات تزوجو عزابين والعكس
مافي شي مربوط في شي معين كل انسان رزقه على ربه مو على الناس

مجتمع متخلف تعالي احكيلك انا عنه
المهم ابشري
حبيبتي
من كم يوم جارة تزوجت اعزب وعندها ولدين
كبار وعملت فرح وزفة وكل شيء
وكمان السنة الماضية
حضرت فرح وحده مطلقة وعندها بنت
تزوجت اعزب أيضا وعملت فرح وزوجها صغير ووسيم