مطلق

يابنات ترقدت على بنتي قبل كم يوم و تعرفون المستشفى اصوات و بزارين --على الساعة 9 الصباح حركة و اطباء شوي الا اسمع حرمة اتدور بزر تقول شفتوا ورع (ولد) صغير لابس بدلة --طبعا انا ماطلعت من الغرفة --بس الحرمة كل شوي ترجع تدور و بدأ صوتها يعلى و تضطرب --لبست عباتي و طلعت ادور لقيت الحريم الي بالغرف كلهن طالعات يدورن م يهدن الحرمة -تفاااجأت ان عمرها كبير لدرجة انها ماتسمع زين --مالقبنا الولد --الموظفين دوروه لقوة ب تنويم الرجال --وهي تبكي قلنا ياخالة ذا ولدك --قالت لا هذا ضعيف لا ام ولا اب امة اجنبية اخذناة منها و سافرت ديرتها و ابوه شاااايب --خذت الولد و دخلت غرفتها --و هو لونه اشقر --يقول لها انا رررجال ترا ماضعت اعرف الطرييييييييييييييييييييييييييق --الحريم بكوا من وضعه -والي يحزن ان الشايب كان رافض ينومه مع ان حرارته40 ليييين اقنعوه --كيف بيعيش بهالدنيا --اسمه مطلق و شكله اجنبي تخيلوا التناقض اجل كيف بيتربى --يارب انك تصلحه ذا العجوز ماتقدره