مطلوب تحضير دروس حاسب آلي

"
هلا بفتاة الحاسب :D ..!

شوفي يابعدي شكلك تطبقين انتي هالترم .؟

وبصراحه انا ماطبقت على دروس الترم الأول والا كان حاولت افيدكـ فيها ولا عندي أي خلفيّه عنها .,

عموما , أهم النقاط اللي أبيك تحرصين عليها بحضور مشرفتك \\

1 - الثقه بالنفس وقت الشرح .. انسيييييييي انها موجوده انسيي وجودها او اعتبيرها طالبه من طالباتك .. لكن أهم شيء لا تناظرينها كل شوي وقت الشرح ..!

أحس أشين شيء ان طالبة التطبيق تجلس تطالع مشرفتها كل شوي تدرين ليه ..؟

لأن الطالبات أنفسهم راح يحسون بتوترك عاد الله يعينك اذا كانوا متولمين لهاللحظات :hahaha:

غير كذا راح تحرجين نفسك ومشرفتك بهالتصرف ,


2 - كوني علاقة صداقة بينك وبين طالباتك وقدمي لهم أقصى ماتقدرين من علاقة ( احترام + تقدير لهم ) ..

يعني مثلا انا كانوا طالباتي العلمي قمّه بصراحه والأدبي بعد الا قليل ..,

مادري وشلون كسبتهم بصراحه , بس اللي اعرفه انهم هم كسبوني بعد :crap: ..!

يعني باختصار خلي علاقتك معهم مثل زميلتهم لكن موووب لدرجة انهم يمونون عليك عاد مرّهـ .!

لابد يكون لك هيبه وسطهم عشان تقدرين تسيطرين على الوضع لو كان فيه طالبة ماتنعطى وجه على قولتهم :) ,,

3 - الحين بوصيك على الدرس نفسه ..

من ناحية العرض حاولي تجذبينهم بأفكارك ..,

يعني لا يكون كله درررس من الأول للآخر حاولي يتخلله شوي مرح بينك وبين طالباتك عشان يتنشطون لان زي مانتي عارفه الحاسب حصتين ..!

شيء ثاني عندك ورقة العمل ,

مهممم واذا انتي من جامعة الملك سعود أكيد طالبين منك ورقة عمل " مبتكره " ..!

يعني وشو ..؟

يعني ماتكون تطبيق جاااامد للدرس .,

حاولي تكون فيها أفكار أوالغاز أو العاب ..

راح تتعبين بالبداية وانتي تفكرين , لكن بعدين ماراح ترضين بأقل من الابتكار والافكار الحلوه ..

بالنسبه للنشاط بعد في آخر الدرس حاولي يكون له علاقة بالدرس ونفس الشيء اذا كنتي تقدرين تهدين لهم هدايا لو رمزيه جداً " شوكولاته , اكسسوارات , جداول حصص ..الخ "

أياً كان , صدقيني لها تأثير رائع على علاقتك بطالباتك ..,

عموماً هذا اللي أقدر افيدك فيه الحين ,,


واذا تبغين نفيدك أكثر بفكرهـ الدرس علميني الدرس بالضبط عن ايش يتكلم .؟

بعدين نصيحه ياقلبي .. لا تعتمدين على التحاضير في النت تراها جداً مختصره وغير مرغوبه أبداً من المشرفات لانها مستهلكه ..!

وشوفي بعد موضوعي يمكن ان شاء الله يفيدك لو شوي , او يعطيك الهام لدرسك :wink2:

http://forum.hawaaworld.com/showthread.php?t=403782&page=1

بالتوفييق ياقمر .,

دعوااتك ,

"

ربي يعطييييك العافية إن شاالله

ياقلبي أنا لسى عالتطبيق..إن شاالله التيرم الجاي..أو الي بعده الله العالم..

والمطلوب مني تحضير درس اكسل بدون ما يحددون مرجع نرجع له

يعني بدون منهج وهذي اول مرة اكتب تحضير

وبدون ما ينشرح لنا الدرس يعني هذا الواجب

يتسلم قبل المحاضرة..فعلشان كذا ضايعة..

بس الحمد لله رجعت لتحاضيرك وحسيت إني رسيت على بر..

طبعاً من الحين انتي صقيقتي :D

وأي شي احتاجه بالتطبيق أو هالتيرم إن شاالله برجع لك<<بدت تمون الاخت

وإن شاالله بدعي لك..بس مو هنا..خليها دعوة بظهر الغيب..

"

هههههههههههههه هلا والله بصقيقتي :icon20: ..!

تمونين يابعدي ,

الحمدلله اللي استفدتي منها , والله يوفقك يابعدي وطمنين على درسك ..,

احسن شيء دعوهـ بظهر الغيب ..

عسى الله يستجيب منكِ .. ولكِ بالمثل ,

تمنياتي لكِ بالتوفيق ..,

"