السلام عليكم ورحمة الله وبركاتة
صبااااحكم مساااائكم ورد وفل ولوز كل عام وانتم بخير جميعا والله يغفر لكم ويرحم والديكم
الله يجعلكم من صوامه وقوامه ولايحرمكم الأجر
:26:
ندخل بالموضوع بلامقدمات انا اختكم وهذي سالفتي بين ايديكم
طبعا انا مملكة والحمد لله تقريبا لي ثلاث شهور السالفة ومافيها مرتاحه للولد وبإذن الله هومرتاح لي بس المشكلة تصرفاتة
طبعا من بداية الملكة ماكلمني وبعدها بفترة صار يكلمني مكالمات رسمية بس اذا صار بيحدد معي موعد زيارتة وكان يزورنا بإستمرار بس مايـتأخر عن اسبوعين تقريبا كل اسبوع يجي ومسجات يرسل احيانا مثلا يوم الجمعه او يمسي بالخير وانا ارسل له وكان يجي مايقصر يجيب لي هدايا حلوه الحمد لله واحسه مرتاح
فترة الصيف مازارني ابدا ولاكلمني لدرجة انه شهرين تقريبا ماادري عنه لااتصل ولازارني
طبعا خلال المده هذي كان الوالد تعبان الكل كلمه والكل زاره وتطمن عليه الاخطيبي
وانا متأكدة انه يدري لانه قريب منا شوي ووصله الخبر وامه تدري
تكلمت مع صديقتي نصحتني ارسل له رساله ارسلت له
كيفك وشخبارك ان شاء الله بخير وين الناس لاحس ولاخبر عسى ماشر
وبعدها اتصل عليه كلمني وقام يعتذر ويقول انه مايدري ولااحد علمه عن ابوي طبعا
مشيتها وسكت وقال لي بجيكم متى يكون الوقت مناسب قلت له خلها الاسبوع الجاي لان اهلي مشغولين شوي الاسبووع هذا
وطبعا سولفنا شوي ودائما يابنات يعاتبني ويقولي ليش ماتتصلين علي مع انه مايتصل ولايسأل وقالي والله نفسي اكلمك كل دقيقة بس انا استحي والخجل ذابحني وش اسوي قلت له عادي اتصل اي وقت تبي سكرنا من بعض
ولقيته ارسل لي رسائل ويقولي انه يحبني واني دائما على باله بعدالمكالمه على طول
اناوقتها فكرت عنده بلاك وعندي بلاك وحسيته يتكلم بالرسائل احسن ومره اخته قالت لنا انه قبل الملكه يقول بيجيب لي بلاك ونصير نتراسل عليه طبعا ماكان يعرف ان معي بلاك
قبل لانملك وبعد الملكة عرف بس ماطلب البن قلت ارسل له البن حقي يمكن مستحي لايطلبه وارسلته له شوي واضافني
سولفنا وكان كلامه مرره حلو ورومنسي وقالي كلام حلو سولفنا مرتين بس وانا كنت ارد عليه ردود احاول اكون وسط لاشدة ولالين ولابينت مشاعري يعني هويسولف اكثر بس احيانا اصبح عليه عالبيبي ارسل له صور ورد مثلا يعني حاولت مااتكلم معاه كثير وبنفس الوقت مااطنشة احيانا كان يلمح تلميحات في البلاك بس ماافهم هي لي او لغيري احيانا يكتب كلام حب بحالته احيانا عتب احيانا فراق ويلمح تلميحات صريحه احبك انت انت الي في بالي انت الحب الاول
ويرسل برود كاست جماعي الي يحبني وانا احبه واموت فيه يكتب اسمه بالخاص
قلت اشوف هو يكلمني ولايكلم غيري قلت انا اوووم الثقة :biggthump
ههههههههههههههههه تتخيلون ماكأني موجودة مارد ولاشيء
هنا حضر الشيطان قلت اكيد كل الكلام هذا مولي :22:
واحد مايكلم خطيبتة ولايهتم فيها ولايكون عنده فضول يعرف شيء عنها اويتقرب منها
هذا انسان مكتفي يابنات صراحه مافي رجال ياخذ بلاك لله :)
انا استغربت هو دقة قديمة ومعه بلاك لاومفعل الخدمة دائما
الله المستعان
وبعدها ماكأني موجوده عنده في البلاك لايسولف ولايسأل ولايتصل ولاشيء حتى الاسبوع الي حددنا فيه الزياره ماجاء ولااتصل ولااعتذر تخيلوا
تكلمت معه في البلاك كلام حلو
وقلت له انا اخترك تشاركني حياتي وشاركك حياتك اتمنى نعرف بعض اكثر ونكون واضحين من البداية
قالي انا كتاب مفتوح تخيلوا الرد محطم
قلت ابي اعرفك اكثر
قال وش اصلح يعني
انصدمت من ردة قلت انا خايفه حسيت ان تفكيرة على طول راح لشيء ثاني بينت له اني اقصد اني خايفه من المستقبل والحياه
قال انا طيب وحنون على الناس
رده حسيت ان مافيه نضج
قلت ماعلي من الناس اهم شيء انا وانت
كان يكلمني بأسلوب غريب مواسلوبه لدرجة اني انحرجت وقلت ليتني ماتكلمت معه يعني طبيعي كل الي مملكين لازم يكلمون بعض ويعرفون بعض وهوحسسني اني قلت شيء غريب مره وكل كلمه اقولها احسه يبي يرد عليها بقوه وباسلوب مستفز بعدين
قلت له اتمنى تساعدني لوبتعاملك احس ردودك جافة معي
قالي انا موجاف انا خجلان انا اول مره اكلم بنت
اول مره اشوف واحد يخجل في البلاك ولااشوفه يخجل اذا زارنا البيت بالعكس جريء احسه يتخفى خلف الخجل ليش مادري
تكلمت بكلام ماغلطت ولابكلمه شوي سحب علي وطنشني وانا اتكلم تخيلوا
احرق اعصابي قلت له خلاص الله يحفظك ارسل لي قلب مكسور يعني انك جرحتيني
هههههههههههههههههههه اذا هو انجرح اجل انا شقول
المهم من بعدها طنشنا بعض والغيت خدمة البيبي راح الصيف لاجا ولااتصل ودخل رمضان لابارك لي بالشهر ولأهلي ولااتصل ولاحس ولاخبر
يعني لااحترام ولاتقدير تطنيش وساحب علي سحبه أليمة :confused:
مع انه كان عسل بس مدري وش غيره لوبيننا اتصال كنت براجع نفسي وبقول انا غلطانه بس متاكده ان كلامنا محدود ورسمي وسطحي وانا حريصة مره
انا ثقيلة جدا جدا بس اخواتي وصديقاتي يلوموني كثير ويقولون بادري اتصلي ارسلي اهتمي ليش انتي جامدة انتي قلبك قاسي ويوم حاولت محاولتين انقلب الرجال وشاف نفسه علي ولاصار يشوفني شيء الحمد لله اني ماسمعت كلامهم واتصلت عليه ولاصرت خفيفة اكثر يازين الثقل مع الرجال ويوم علمتهم بتصرفاته يقولون ماينفع معه خلاص اسحبي عليه كله من نصايحكم
:unhappy:
المهم انا الحين مقهوره منه طنشتة سحبت عليه ولانفع فيه صنم لايحس ولاشيء ووجهي طاح قدام اهلي الكل يسأل عنه ووين فلان
مدري وش اسوي احيانا نفسي امسك الجوال واهزئه والي يصير يصير
وودي اتصل عليه وقوله كل عام وانت بخير كنت انتظرك تبارك لي بالشهر وعاتبة
واحيانا ودي اخذ الشريحه من الجوال وطلعها وارميه شهر كامل واسحب عليه
مدري وش الصح وش الغلط كيف اتصرف معاه والله حيرني وتعب نفسيتي
واحرجني قدام اهلي :angry:
شوروا علي ياحكيمات ياذوات الخبره الله يفرج همكم وغمكم ويعتق رقابكم من النار
بليز لاتسفهوني والي ماترد ترفع الله يرفعها للفردوس الاعلى من الجنه
سامحووووووووووووني عالإطاله من القهر وربي :f226::angry2:
يلزم عليك تسجيل الدخول أولًا لكتابة تعليق.
ياريت والله بس وينهو مالقيت فرصة اتكلم معاه لااقدر اتصل ولااتصل ولايجيني ماصدته هههههههههههههههه
الله يجزاك الجنه
الله يجزاك الجنه
حبيبتي
انتي حددتي موعد زواجك او لا ؟؟
لانوا احس خطيبك غريب بصراحة
اقلها يدق ويتصل
اعتقد ماعنده عيب في هالاشياء انه يكلمك ويتصل عليكي طيب وش فيه الحين بعد عنك فجاءة ؟! وش غيره
اتاني بالموضوع وفكري بعقلك زين
ترا بعض الرجال لما مايبي خطيبته يعمل هالحركات عشان هي تقول مابي وينرد له المهر كامل انا مااقول ان خطيبك كذا بس خلي نفسك طويل معاه وانتبهي منه وشوفي هو ليش تغير فجاءة
انتي حددتي موعد زواجك او لا ؟؟
لانوا احس خطيبك غريب بصراحة
اقلها يدق ويتصل
اعتقد ماعنده عيب في هالاشياء انه يكلمك ويتصل عليكي طيب وش فيه الحين بعد عنك فجاءة ؟! وش غيره
اتاني بالموضوع وفكري بعقلك زين
ترا بعض الرجال لما مايبي خطيبته يعمل هالحركات عشان هي تقول مابي وينرد له المهر كامل انا مااقول ان خطيبك كذا بس خلي نفسك طويل معاه وانتبهي منه وشوفي هو ليش تغير فجاءة
غريب امرة مرة يختي توك ع البر لاتندمين زيي اذا ماعجبك اسحبي ع مندوب مندوبه انا اعرف المتملكين يذوبون في بعض هذا عكس شابع رغباته شكله بغيرك الله يسخره لك اذا فيه خير
الصفحة الأخيرة
مدري وش اقول اك !!
ولكن ادعي ربي يصخره لك ،،،
ممكن الولد خجول ،،، بس متناقض لما يشوفك تجيه الجرئة فجأة !! ولما يكلمك يخجل وما يعرف يصف كلام حلوووو !!
شوفي بعض الشباب مايعرف يتصرف مع البنت تلاقيه مختلط عليه تعامله مع اخته وامه ومحارمه واصحابه وزملائه ،،، والزوجة مو زي اي واحد منهم !! ماعليك منه انت إذا كلم أو زارك لا تخلين في نفسك عليه شي عاتبيه ع كل شي ،،، وقولي أنا أنسانة اللي بقلبي ع لساني ولازم اصارحك عشان ارتاح واكمل معاك وكذا يعني كلام مرتب وممزوج بأنوثة ودلع وعتب وكل شي ،،، ( فيس يغمز هع )