مطلوب طرق لعرض دروس الحاسب لبنات الابتدئي

السلام عليكم موفقة يارب onna
تمنياتي لكِ بالمساعدة من قبل الاخوات:27: :26:

هلا عزيزتي .. الله يوفقك في عملك الجديد .. المهم إنك تستمتعين بالتدريس ولا تحطين في بالك إنه عمل والمفروض تأدينه وخلاص .. علشان تقدرين تبدعين في عملك ..

أنا بعطيك عدة أفكار .. يمكن تفيدك ..

أول شي بالنسبة لغرفة الحاسوب لازم تخلين ديكورها شي ثاني وغريب عشان تقدرين تبدعين وعشان الطالبات يرتاحون وينتجون .. :21: يعني مثلا .. تحاولين تسوين الديكور من الفلوبي والسي دي وفي المنتدى قسم الأشغال اليدوية بتحصلين أشياء كثيرة

في بعض الكتب اللي تنباع في المكتبة فيها رسوم توضيحية عن شخصيات الفلوبي فيه أرجل وعيون وأيدي .. لوتاخذين لك شخصية وتخلينها ترافقك سواء في ديكور الغرفة أو في الدروس .. يعني التعليمات اللي المفروض يتبعونها مثل إطفاء الجهاز بعد الانتهاء من استخدامه أو المحافظة على النظام والنظافة ممكن تخلين هذه الشخصية هي اللي تقولها .. والأحلى لو يكون شكلها مثل الرسوم المتحركة .. ولو تسمين هذه الشخصية بإسم حلو بيكون أحلى .

ولو تعملين لك تلخيص بعد كل درس وتوزعينه على الطالبات تسوينه في أوراق ملونة ولاتنسين تحطين الشخصية الكرتونية .. وحاولي مايكون الكلام كثيييييييييييييييييييير .. الصور أكثر clip art لأنه مثل ماقلنا تلخيص

بعض الطالبات عندهم فكرة عن الكمبيوتر من قبل .. خليهم يساعدونك في الحصة .. لأنك ماتقدرين تتابعين كل الطالبات .. بعد ماتشرحين الفكرة خليهم ينفذونها .. وعلى كل مجموعة حطي وحدة مسؤولة تتابع الطالبات . ( المعلمة الصغيرة )

حطي لك لوحة اللي فيها فلين أو خيش .. حطي عليها إبداعات الطالبات المتميزة .. اخلي للوحة عنوان .. مثلا .. إبداعاتي من صنع أفكاري .. أو نجوم الإبداع والتميز وهذه تحطين عليها صور الطالبات المتميزات في الكمبيوتر .

ولاتنسين تحطيلك نبتة حلوة طبيعية ونافورة صغيرة لأنه صوت الماء روعة .. ويهديء الأعصاب .. ولو تصبغين الحجرة بلون معين غير عن العادي .. يعني تختارين اللون الأزرق مثلا ودرجاته .. وكل بتسوينه في الحجرة راعي إنه يكون لونه أزرق بس مش الغامق ..

وحطي الطاولات على شكل حرف u
علشان تقدرين تشوفين كل البنات

سوي دورات متقدمة للطالبات المبدعات عندك في الكمبيوتر .. وسوي استبيان في أول حصة توزعينه على الطالبات عشان تعرفين مستوياتهم أو مدى إلمامهم بالكمبيوتر .

وحطيلك مكان تحتفظين فيه بالفلوبيات والسيديات سواء من إعدادك أو إعداد الطالبات .. لأنهم يطلبون منك أنشطة الطالبات .. ولو تسويلك غلاف موحد للفلوبيات والسيديات تحطينه على كل النتاجات بيكون شكلهم أحلى .. ولاتنسين تخلين لون الغلاف مناسب للون الغرفة وملفاتك والأوراق يعني سوي طقم .:23:

ونصيحة أي ورقة تسوينها اكتبي عليها اسمك والتاريخ .. واحتفظي بكل شي عشان بعدين بيطلبون منك ملف إنجاز تحطين فيه كل شي .. حتى الفلوبي والسي دي

جزاكِ الله خير يا Nalooo

... بصراحة أفكار حلوة ... هل لنا بالمزيد ....:26:

بارك الله فيكم .. و الله يوفقك عزيزتي onna :26:

وعشان تقنعين الطالبات يدخلون دورات الحاسب .. أكيد عندكم استاندات أو لوحات الإعلانات تحطين فيها صورة الشخصية الكرتونية وتحطين عبارات حلوة تخبرينهم عن الدورات المهم الأسلوب .. الله يوفقك إنشاءالله

عزيزتي يتني فكرة ثانية .. تعرفين الفلين المضغوط اللي ينباع في المكتبات .. ممكن تسوين منه مجسم على شكل floppy

تقطعين أي قطعة ملونة على شكل مربع .. وفي النص تحطين فيها قطعة بيضاء تكتبين فيها اسم الدورة أو بطاقة دعوة للطالبات تدعينهم للتسجيل في دورة الكمبيوتر .. والقطعة الفضية الألمنيوم ممكن تسوينها بقطعة وسيلة رمادية .. أتمنى تكونين فهمتيني ..

وبعدين تسوين أرجل وأيدي للفلوبي .. وكل دورة بتكون في فلوبي .. وممكن تسوينه أحجام

وممكن تسوين منهم قصة ..

.. أنا سويتلك كم صورة عن الفلوبيات والسيديات .. بيفيدونك وااااااااااااااااااااااااااااااايد

أرسلي لي إيميلك في رسالة خاصة عشان أقدر أرسلك الصور .. لآني ماعرفت أرسلهم
مع تمنياتي لك بالتوفيق