مطلوب طريقة تشيز كيك ......حالن بالن

اطباق عالم حواء

السلام يا السنافيات

تكفون رخيتكم ما رخيت رخوم
زوجى طالب منى اسويلة تشيز كيك . تكفون كل وحدة تكتب الطريقة اللى عندها و بسرعة



مع السلامة :44:
7
953

يلزم عليك تسجيل الدخول أولًا لكتابة تعليق.

تسجيل دخول

عيون الماجد
عيون الماجد
والله يابنت عمي :33: ودي اساعدك بس ما باليد حيله بس حبيت اسلم عليك بااااااااااااي;)
المطيريةالسمرا
تسلمين يا عيون الماجد
اموت انا على العصبية القباية يا بنت عمى
و راسك ساالم.....
^^مشاعل السعوديه^^
احلى تشيز كيك لأحلى مطيريه..

ابكتب لك الطرق اللي اسويها وانتِ اختاري اللي يريحك..

طبعا في الصينيه ذات القاع المتحرك تفردين بسكوت دايجستيف (يطلع أحلى ولو بغيتي بسكوت

شاهي عادي براحتك) وتخلطين معاه شوي كويكر وزبده مذوبه طبعا..

تحطينه بالثلاجه اللين ماتصلحين الطبقه الثانيه واختاري احد الطريقتين::

اولاً::

-2 علبة قشطه.
-3 ظروف دريم ويب.
-6حبات كيري.
-1كأس حليب.
-1 علبة جلي أناناس.
-1كأس ماء بارد.

يخلط الجلي مع الماء ويوضع في الفريزر حتى يجمد قليلا،،تخلط باقي المقادير بالخلاط ويضاف

لها الجلي ويخلط معها ثم تصب فوق البسكوت وتبرد في الثلاجه..ويزين الوجه بالباي فيلينغ..

ثانيا::

-2 علبة زبادي.
-9فناجيل قهوه حليب بودره.
-4فناجيل قهوه سكر.
-1بيضه.
-فانيلا.

تخلط كل المقادير في الخلاط جيدا وخليها فتره تنخلط الين تصير ناعمه جداااا..تصب فوق

البسكوت وتوضع في الفرن وشغلي النار من تحت بس (يفضل انك تحطين الصينيه داخل صينيه

اكبر منها عشان لاينحرق التشيز كيك)..خليها تقريبا نص ساعه الين تجمد وبعدين برديها في

الثلاجه وزينيها بالباي فيلينغ او بالفواكه مثل الكيوي والفراوله..

وصحتين وعافيه على قلبك غاليتي..
انا الحساس
انا الحساس
المطيريةالسمرا

هذي تشيز كيك تاكلين اصابعج وراااها وكل من ذاقها مدحها .. يالله بسم الله..

اول شي .. الطبقه الاولى ... بسكويت قراهام كامل مطحون + اصبع ونص زبده وتخلطينهم مع بعض وتحطينها كطبقه اولى في البايركس
الطبقه الثانيه : في الخلاط الكاس حطي حبة جبنة فلادليفيا ونص + علبة حليب مركز بس وااحد وخليها تنخلط زين
صبيها على طبقة البسكويت ودخليها الفرن في حمام مائي ( تحطين البايركس داخل صينيه اكبر فيها ماي ) على حرارة 325 ف ( 150 س )وتخلينها ربع ساعه طبعا تحمين الفرن قبل وعقب شغلي من فوق بس 5 دقايق وانتبهي لها لا تتحمر او تنتفخ وعشان تتاكدين انها خلصت حطي صبعج من فوق اذا ما لصق فيها شي يعني خلصت ..
الطبقه الثالثه: على النار في جدر صغير كاس حليب سايل+ ظرف بودرة الكريم كراميل الاصفر + 2 م.ك كاكاو بودره وتسوينه و وبعد دقيقتين من يفور صبي نقطه بصحن وشوفي صارت طبقه مب ماي
هذي تسوينها بنفس الوقت يوم تشغلين على طبقة الجبن من فوق علشان لازم تصبين حار على حار وبس من يخلص اللي بالفرن يكون اللي على النار فوق مخلص .. ويوم تصبين شوي شوي عشان ما تخترب طبقة الجبن ..

ادري الشرح طويل بس هي والله سهله بس حبيت اكتب لج بالتفصيل :cook: سلام
انا الحساس
انا الحساس
ايه نسيت تحطينها بالثلاجه وقبل لا تقدمينها بنص ساعه طلعيها علشان يسهل تقطيعها وقطعيها صغار تطلع احلى وبالعافيه :27: