مطلوب عمل وحدة مبتكرة لرياض الأطفال

السلام عليكم
ممكن بس كم سؤال عشان اعرف اساعدك ..
العمل راح يكون للأطفال يطبقوه يعني عمل فني بسيط للأطفال ولا عمل انتِ تسويه له علاقه برياض الأطفال؟؟ لأنه في فرق كبير وباذن الله راح احاول اساعدك

:24:

شكرا حبيبتي لمساعدتك
انا اقولك حبيبتي .انا في السنه الثانيه قسم رياض اطفال والدكتوره تعطينا مادة اسمها(زخرفه وتشكيل بالخامات المستهلكه) كانت كل محاضره تعطينا موضوع واحنا نطبقه كل وحده وفكرتها وتكون غريبه ومو مكرره اعطيك امثله:
1-لوحة ايام الاسبوع وندخل فيها خامات وكل وحده وفكرتها
2-لوحة حضور وغياب الاطفال
3-الاركان ..ركن الاسره وركن الفنون وركن المكتبه وركن الادراك
كل هذي الاشياء لوحات لمن نروح سنه رابع نطبق..وهي تبغى العمل النهائي احنا نختار اي عمل حر ونطبق العمل في المحاضره نحضر الخامات والادوات وكل حاجه تتعلق بالعمل ..وانشاء الله فهمتي مني :27:

ممكن عمل معجون ( صلصال اللعب ) من الطحين اللي انتهت مدته وما ممكن نستخدمه.

من أوراق المحارم ( تيشو بيبر ) ننقعه بالماء ونضيف شوي غراء أبيض وشوي ألوان مائية ونحطه بالخلاط تصير ألوان مائية ثقيلة جدا وبعدين نحضر عدة ألوان . ثم نحضر رسومات جاهزة من المفرغة اللي جاهزة للتلوين ونلون بهالألوان الثقيلة وتطلع لوحة بارزة .

حلوه الفكره وان شاء الله استفيد منها ..بس هي تبغى لوح داخل فيها اقمشه مثل جوخ و خيش ....الخ

شكرا على فكرتك الحلوه ومساعدتك الله يوفقك:26:

مرحبا غاليتي
ايوة الحين فهمت عليكِ
طيب الظاهر لازم تكون لوحه ..
وش رايك لوحه عن الألوان مثلا ..
تقسميها مربعات وتضعي ادوات من المنزل عن الوان الشيء وتصير بارزة

مثلا ممكن تكون كلها لها طابع شامل او متنوعه .. للشامل تقدري تستخدمي الازرار مثلا وتضعي عند كل لون زر لون مختلف .. والطابع المتنوع ممكن ماتجيبي شي معين يعني دوري في البيت وكل ماتشوفي بكله لون معين تلصقيها زر لعبه اي شي بس المهم انها تشمل اللون .. راح تكون حلوة وسهلة ..

ايضا هذي فكرة ثانية ممكن تستخدمي فيها القماش

تقدري تقصصي خيش مربعات وعلى كل خيشة تدهني عليه لون معين
وبعدين تقصي اشكال معينة من قمائ ابيض ولونيها باللون اللي تحبيه ..
والفائده انك تخلي الطفل يوصل الشكل مع اللون الصحيح..

فكرة اخرى ..
لتعليم الأشكال ايضا بالخيش ممكن تقصصي اشكال وتلوينها الوان حلوة وعلى فكرة هالعمل جدا حلو وسهل ..


فكرة اخرى ..

ممكن ترسمي رسمه على خيش بعدين ترسمي عليها شكل قطع البزل تقصصيها على شكل قطع بزل .. بعدين تضعي قطعة من القماش اللاصق (وهي عبارة عن دائرة لها طرفين واحد تلصقيه في جهة والثاني في جهة اخرى ولما تقربيهم من بعض يلصقوا تلاقيها في محل الكلف ) وتضعي ورا كل قطعه لصقه وعلى اللوحه لصقه اخرى والطفل عليه انه يركب البزل .. على اللوحة..

اذا عندي افكار بنزلها ولا يهمك
فمان الله
رنيــم