مطلوب نشاط من المعلمات للطالبات

السلام عليكم ورحمة الله وبركاته .
أختي دندوني إذا تبين مشاهد فيه عندي مشهد إن شاء الله يعجبك : عبارة عن أربع طالبات البداية تجي وحدة وتجلس ثم تزورها وحده ويبدون يسولفون كل وحده تسأل الثانيه وش جهزتوا لرمضان . تقول الأولى حنا عبينا البيت من كل شيء حتى الفرش غيرناها والصحون رمضان يبغي تجديد . الثانية تقول أنا قلت لأبو العيال يجيب شغالة تعرفين رمضان أكل كثير وصحون أكثر وبعدين وشلون أبغي أروح أسير على أحد بعد الفطور إذا ما عندي شغالة . تجيهم الثالثة وتسألهم وش جهزوا لرمضان يسألونها تقول حنا شفرنا الرسيفر وزدنا القنوات تعرفون المسلسلات ما تحلا إلا في رمضان وحطيت لي جدول كل يوم أروح للسوق لأنه كل يوم ينزلون أشياء جديدة للعيد . ويتكلمون من هالقبيل
بعدها تجيهم الرابعة يسألونها وش جهزتي لرمضان ؟ تقول مثل أيش ماني فاهمه عليكم ؟ يقولون من الأكل والشرب والصحون والأثاث والملابس . . الخ
تبدأ تنصحهم وتقول لهم : الله جعل رمضان علشان نتقرب إليه أكثر . علشان نكثر من الصلاة والصدقة والذكر وبعدين قولوا لي كم من اللي صاموا معنا العام ماهم معنا هالسنة خلونا نغتنم رمضان يمكن يكون آخر رمضان في عمرنا
وتبدأ تبين لهم فضائل رمضان وما إلى ذلك .
أما النشرات فأنا أقترح عليك أن تحضري مطويات خاصة في رمضان وأشرطة وتغلفيها وتكتبي عليها ( هديه رمضانية من مدرسة . . . . ) هذا اللي عندي وأتمنى أني أفدتك . وكل عام وأنت بخير

أفكارك روعة يا محتسبه
جزاك الله خيراً

مشكوووووووورة يا محتسبه
الله يجعله في موازين حسناتك أفكارك أكثر من روووعة
والله فرجت علينا كربة
الله يفرج عليك كربة من كرب الآخرة ويوفقك ...
إن شاء الله تعجب صديقتي ..

تحياتي ...
دندوني