مطلوووووب محلله نفسيه لها الحاله الغريبه

السلام عليكم ورحمة الله وبركاته ..

بصراحه في آمر مضايقني وحاااز بخاطري حيل حيل

انا احب البنات جدا جدا جدا واتمنى من الله ان يرزقني البنوته القمر , الحمد لله عندي 3 أولاد هم عندي بالدنيا ..

بس تظل الأم تشتاق إلى بنت وتتفنن بلبسها وهندامها وكل شي يتعلق بها...

المهم .. عندي بنت اخوي الكبير أمووووووووت عليها بشكل ما تتصورونه

وداااااااائما اشتري لها واحيانا ما افكر بأولادي , اشتري لها الفساتين والبدل , ومو بس كذا

لاااااازم إذا شريت لها فستان يكون بكامل تجهيزاته , مثل الشنطه والاكسسوار والجزمه الله يعزكم والشراب والبكلات من نفس اللون ومن اغلى الأماكن

يعني مو اي كلام , والله الفساتين من مذر كير ونكست و بمبكن باتش ومن محلات راقيه

احيانا توصل فوق ألف ريال من زوود الهبال اللي فيني , مووو مشكله هذا كله ولا همني ابدااااااااااا

المششششششششششكله إن امها ما تلبسها اللي اشتريه:(

ليييييييييييييه ؟؟؟؟؟؟؟؟؟

ما أدري :icon33:

مع العلم بأن ذوقي ولله الحمد وبشهاده اخواتي وقريباتي قمه

لبس عيالي والحمد لله الكل يتكلم عنه ..

وكل ما سافرت وصوني اهلي وصديقاتي اشتري لهم فساتين وبلايز لهن ولعيالهم وبناتهم ...

مره شريت لها بالعيد فستان وتجهيزاته وتعذرت مني وقالت ضيق على بنتي مع العلم بانه مقاسها , قلت مو مشكله اجيب اكبر قالت لالالالا ما ودي اتعبك قلت عادي وافرح قالت لا الله يعافيك :(

ومره شريت لها فستان من دبي حوالي ب 600 ريال ويا لأسف لقيته بغرفه امي وسالت امي وقلت وش جاب هذا الفستان عندك ؟؟؟؟ قالت ان مرة اخوك تقول عطيه اي احد ما اعجبها :(

بصراحه بكيت من القهر ساعتها ... رحمت نفسي وقلت وش علي من بنات خلق الله اشتري لهن , بس هذي البنت لها في قلبي غلا ما يعلم به إلا الله

علاقتي بزوجة اخي ولله الحمد اكثر من ممتازه واحبها واحترمها .. بس مدري ليه ما تحب تلبس بنتها من اللي اشتريه ..

ما قدرت اسئلها ولا ودي بعد حتى اخوي ما يدري

بس انا ابغى تحلليل نفسي للي جالس يصير

وش سبب الرفض ؟؟؟؟؟

وش سنعه بس ؟؟ امووت واعرف

ما اعتقد إنها غيره او كره ..

فهموووني وش السبب واشتري لبناتكن شباصات من ابو ريالين ضد المويه :hahaha: