مطهر طبيعي للبشرة

السلام عليكم ورحمة الله وبركاته

هذا اول موضوع لي كنت دايما اقرا مواضيعكم واستفيد منها

وهالمره حبيت اني أفيدكم وخصوصا للي عندهم حساسيه

انا من النوع الي عندي حساسية بالمطهرات عامه

يعني أي مطهر يسبب لي حساسية لانه فيه مادة تعتبر مطهره اتحسس منها بلوه والله :angry:

وحده من خبيرات التجميل مره حطت لي ماسك مطهر وبعدها الله لا يراويكم وجهي

كله صار حبوب ملتهبه بشكل يلوع الجبد :16: وهي ماكنت تدري مسكينه عن حساسيتي

ولما خبرتها وصفتي لي وصفة بصراحه ولا اروع اطهر البشرة واتنشف الحبوب

بشكل لا يمكن انكم تتخيلونه والاهم انها ماتسبب حساسيه لانها نبته طبيعيه

وبأغلب وصفات الزهورات يعني عقمت بشرتي ونظفتها والحمد لله :)

ما أطول عليكم النبته عباره عن " الزعتر البري " أكيد الكل يعرفها

وطريقة الاستخدام انكم تاخذون تقريبا علبة ماي أي حجم تبونها

بس الأفضل الصغيره واتحطون مقدار علبتين في القدر او اي شي اتسخنون فيه الماي

واتحطين كميه قليله من الزعتر واتسكرين عليه عدل علشان مايطلع البخار

واتخلينه على النار لحد ماينشف النصف وبعدها اتصفيه واتحطينه بعلبة الماي الفاضيه

وتحفظين الخليط بالثلاجه بعد كل استعمال أفضل ولما تبين تستخدمينه اعمل كمادات

يعني قطن طويل واتحطين فيه الزعتر واتحطينه على وجهك لمدة ربع ساعه

وبتلاحظين الفرق ان شاء الله :)

ولاتنسوا تدعوا لي بالزوج الصالح والذريه الصالحه :27: