مطويه

هلا ...

افتحي الوووووووورد


روحي لملف


أختاري منه إعداد الصفحة


أختاري من إعداد الصفحة هوامش


ومن هوامش اختاري أفقي { أقصد شكل الورقة أفقي مو عامودي }


بعدين موافق


بتظهر لك صفحة أفقية بالعرض مو بالطول


اضغطي بزر انتر إلى تحت حتى يصير عندك صفحتين أفقيه

وتأكدي منها إنها صارت صفحتين بضغطك على المعاينة قبل الطباعة إللي جنب الصح فوق في الشريط


بعدين حطي السهم سهم الماوس في أول الصفحة الأولى على اليمين


اختاري تنسيق


من تنسيق اختاري أعمدة


من أعمدة اختاري 3 الصورة إللي فيها 3 أعمدة أو 2 حسب رغبتك

واضغطي على شكلها علشان تشوفينها في المعاينة

وإذا حبيتِ تحطين خط فاصل بين الأعمدة حطي صح على عبارة خط بيني


بعدين موافق


وضبطي حجم الخط ونوعه


و اكتبي موضوعك عااااااااااااااادي وبتلاحظين إنه بياخذ شكل عامودي وإلى كمل العامود بيروح المؤشر للعامود الثاني ثم الثالث وبعدين بينتقل للصفحة الثانية إللي إنتِ أساساً فتحتيها بالأول يوم قلت لك ... أوكي


العامود الأخير في الصفحة الثانية هوه راح يكون وجه المطوية أو الوجه الأول من المطوية

وفيه تكتبين عنوانها وتحطين رسومات إذا حبيتي .... وتكبرين خطك المهم سوي في العامود الأخير من الصفحة 2 إللي يعجبك


بعدين حطي المؤشر في العامود الأول من الصفحة الأولى


واختاري طباعة من ملف مو من صورة الطابعة إللي فوق بالشريط


لا


واختاري من الطباعة كلمة طباعة الصفحة الحالية أي الأولى إللي إنتِ حاطة فيها المؤشر


بعدين خذي الورقة مثل ماهي بعد طباعتها وحطيها في الطابعة ووجهها أقصد الكتابة فوق قدام وجهك مو مقلوبة


وحطي الماوس في العامود الأول من الصفحة الثانية

واختاري من ملف طباعة ومن طباعة اختاري الصفحة الحالية أي الثانية إللي فيها المؤشر


وبعدين طبقيها وخلاص


طولت صح ..... بس إن شاء الله وضحت لك تمام


وأي سؤال أنا حاضرة


أيووووووووه على فكرة ..... هذا إللي أعرفه يمكن الأخوات يفيدونك أكثر


وشكراً

شكرا يااختي الله يوسع لج دنيا واخرا
والله يوفقج ويهنيج
وتسلمين على المعلومات المفيده
وان شاء الله تضبط وياي
جزاك الله خير وجعله فى ميزان اعمالج