اليوم ان شاءالله وبعد فترة طويله من مطيبات الطعام (1)
http://forum.hawaaworld.com/showthread.php?t=1826963
جبتلكم مطيبات الطعام (2 ) واحب اعتذر للكثير
من الاستعجلوني ع الخاص.. لانو ماكانت كل البهارات متوفره عندي وحتى الان ماحصلتها خصوصا الهنديه منها
وتراها مو اساسيه وعلى قولتهم.... يجوز العيد بلا حنه
ومطيباتي الليله عن البهارات سر النكهه المتميزه بالارز والكبسات وغيرها من فنون الطبخ ومن المعروف انوالبهارات
اكثر من 35 صنف .. وكل صنف له طريقه خاصه بطبخ الارز ..
كبسة اللحم ،، كبسة دجاج ،، كبسة ربيان ،، صياديه ،،كابلي ،، بخاري ،،مقلوبه ،، مشخول ،،.......الخ
والبرياني له انواعه .. الهندي والافغاني والبكستاني والبنقالي والاصفهاني ..واطعمها الهندي "
ومن هنا حبيت اوضح بعض الكبسات وسر النكهه المختلفه والمميزه فيها والبهارات اللي مانستغنى عنها وبالصور
وياليت الواحد يشتري كل صنف لحاله بدل المخلوطه واللي ماتخلى من الشوائب
البزار ومن مكوناته
- كزبرة ناشفه
- قرنفل (عويدي)
- هيل
- قرفه
- ورق غار
- خولنجان
- زنجبيل
- بصل ناشف
- ثوم ناشف
- كركم
- كمون
- ليمون اسود ناشف ومكسر
- فلفل اسود
وهذا البزار الاصناف الحاره فيه تقلل بنصف كميه الاخر
ويكون صحيح افضل
وللتتبيل يطحن واللي يبيها مطحونه وفاتحه يكثر بصلها والكركم والثوم ويقلل من الكمون والقرفه والعكس صحيح
ويفضل وضعها عندما تكون صحيحه بهذا المغلف مثل مغلفات اللبتون
وهذا الصنف من البزار ممتاز للكبسات الخليجيه عموما وسر نكهتها المميزه
والتراز الدوسري ...اوالدراز بالقصيمي
هذا للكبسه الحرااااق واللي لها نكهتها قويه (تخلي كل مخارج الراس تسعبل هههه )
ومكوناتها مثل البزار بس يكثر كمية الحوار مثل الزنجبيل والفلفل الاسود والاهم والاساس معها فلفل احمر مثل الصوره
وطبعا يتميز التراز بريحته المشهيه جدا ..
:::::::::::::::
والحين صور لبعض المطيبات والمنكهات المميزه لبعض طبخاتي للارز
صياديه .. الطعم عذاب لمن نوى الله عذابه والسر نكتها بــ
تمر هندي .. دبس الرمان .. ليمون اسود .. وتضاف مع البصل المقلي وشبه محروق والكزبره الطازه
يتبــع
جوز الهند الجاف و زيت جوز الهند للبرياني الهندي .. طعم ورائحه شيء ثاني
للارز الابيض عويدي .. وهيل .. حبيحره .. قرفه .. غار ..لليمون اسود ..
وكذالك من مطيبات الارز الابيض
الزعتر البري .. المريميه للتغير والتميز
وبرضوا للارز الابيض
نعناع ذور رائحه رائعه
ماءالكادي وماء الورد .. والزعفران من معطرات الارز الكادي روووعه مع البشاوري
العصفر ..مع البرياني الاصفهاني
الشنه او الشيبه حلاتها مع الكشنه ..
بصل جاف انتبهو تشترونه جاهز .. طريقته يقطع شرائح ويرش بالكركم ويجفف بالشمس والثوم مثله بس بدون كركم
هذي انواع الهيل .. الكبير حبشي ومع الكابلي والبرياني الايراني..والوسط الهندي للماسلا والطبخ الهندي الصغير هيلنا الله لايخلينا منه ..
::::::::::::::::::::::::::::::
واي استفسار حاضرين للحلوين
::::::::::::::::::
وفي الاخير"
اتمنى من الله القدير التوفيق لي ولكم
ولاتنسون تعبت في الموضوع لكن كلمة شكر ودعوه منكم تنسي
التعب كله .. ومن لايشكر الناس لايشكره الله ..
والى لقاء مع مطيبات الطعام باذن الله (3 )
دمتم بود