معآناتي مع المس العاشق

السلام عليكم ورحمة الله وبركاته

حبيت اسرد قصتي ومعاناتي من ثمان سنين تقريبا او اكثر لحد الان ...أبي منكم دعوه صادقه لعل فيكم

مستجاب الدعوه ...

بدأت معاناتي من كنت بصف ثالث متوسط تقريبا بدأت هالحاله في الاختبارات النهائيه الفصل الثاني
كنت دايما احس بضيقه واذا فتحت الكتاب ابي اذاكر تبدا الافكار والوسواس احاول احفظ يمين يسار مافي شي يدخل براسي اخر شي اقعد ابببببببببكي لاني موقادره اذاكر تميت ع هالحال اضغط ع نفسي واحاول اذاكر لين بقى ثلاث ايام من الاختبارات النهائيه ونخلص في هاللحظه قلت خلاص ماراح اروح للمدرسه بقعد انا تعبت واقعد ابكي قامت اختي الكبيره تحاول فيني وتحاول انها تذاكر لي لين الحمدلله خلصت اختبارات ونجحت ولله الحمد وقعدت في البيت فتره بعدها قررت اني ادخل المدرسه الثانوية اكمل دراستي وكان عندي طموح من قبل لكن هالشي منعني والحمدلله ع كل حال ... دخلت الثانويه قعدت بس شهررر عندهم وماقدرت اكمل صرت اكره الدراسه واذا دخلت المدرسه تجيني ضييييقه لمى اطلع من المدرسه ووسواس لين اترك المدرسه ماعاد اروح ويفكني وجلست ع هالحال اسجل واقعد فتره ثم اجلس بالبيت تقريبا ثلاث مرات اللي احاول اني اكمل دراستي لكن تجيني هالحاله لحد مايأست وجلست بالبيت

انا تركت نفسي مارقيت نفسي ولاكنت احافظ ع الصلاة بعدها بكم سنة جاني عريس يطلب ايدي
وتمت الشوفه ووافقو لكن بعد فتره جانا الرد انهم رفضو ولاندري وش السبب .. قلت خيره

بعدها بفتره دقو علينا ناس يبون يخطبوني بس هالمره دقوا سئلوا بس وجلست ع هالحال
يدقون او تجي مثلا الام ومايصير نصيب حتى انا حسيت اذا انخطبت احس بضيقه لين تتفركش
وحسيت بنفسي اني اكررره الزواج واكره الرجال بصفه عامه ولاودي اتزوج ابد بس ماادري وش السبب .....

ضليت ع هالحال كم سنه وكنت مااحافظ ع الصلاة واسمع اغاني كثير لحد ماساء بي الحال
وازداد الامر سوء صارت الضيقه قويه احس بألم في جسمي شوي ويسكر عظامي ووسواس
واجلس ابكي ولا عاد اكل ولااشرب حتى المويه نسيتهاااا وتعب بطني وجاني القولون

صرت اسمع سورة البقره وهذاك اليوم ماقدرت انساه بكل تفاصيله ... كنت حاطه سورة البقره في اذاني
واسمعها واحس جاني زي النوم غمضت عيوني غصب عني احاول افتحها ترجع تتسكر من حالها وارجع افتحها وتتكسر من حالهاااااا اخر شي حسيت الدنيا تدور بي وحسيت بشي كانه بيجيني انا احس
به بس ماشوفه قام شالني من فوق السرير وقعد يلعب بي مثل الكوره فووووق ثمن رضخ بي في السرير ورفع رجولي لاأطار السرير هالكلام كان الفجر تقريبا يوم صحت ماما تبي تصلي انا مو مصدقه اللي صار لي مره اضحك مره منصدمه وقلت لماما اللي صار ... والله يابنات اني قعدت اسبوع كامل
ظهررري ابككككككي منه عقب هالحركه ....

بعدها صرت اخاف اسمع قراءن لحالي او انام لحالي كان فيه تطورات لكن انا اختصرت قصتي شوي
وصرت اسمع الرقيه لكن يكون عندي اي احد ان شاء طفل صغير اهم شي مااكون لحالي لانه اذا صرت لحالي يجي هالشيطان ويآذيني ويكهربني في راسي ....
حتى كان يجي يجامعني وانا نايمه واذا صحيت من النوم لين جسمي كلللله مكسر وفيني ضيقه فظيعه

بعدها بفتره تحسنت شوي ولله الحمد وصرت ادهن بالزيت واستخدمت خلطه الرومي وتحسنت شوي


وجلست يمكن سنتين لين الحمدلله خفيت كثير بعدها بفتره انخطبت والحمدلله تزوجت ...
لكن ماانتهت القصه حتى يوم تزوجت ماخلاني بحالي لانه رجع يآذيني ويسبب لي ضيقه ويكرهني بزوجي ودايما مشااااكل انا وزوجي

واحس اني مو طايقه زوجي وابي اتطلق منه ومااتحمل منه كلمه اهملت بيتي وزوجي حتى زوجي مل مني
جسسسمي كله تعبان ومو قادره المس شي في البيت من التعب اللي فيني ووقت سفرة المغرب يزيد التعب علي مرررررره لدرجة اني اجلس اغطسسس ماعاد احس بنفسي ...

اذا جتني الدورة الشهريه يجي يجامعني كان يجيني ع شكل اشخاص اعرفهم بعدين يوم شافني
متضايقه صار يجيني ع شكل زوجي ومايجامعني الا وقت الدوره ... اذا مافيني دورة مايقدر
لاني اصلي واتقرب من ربي ....

لكن انا تعبت ماتتخيلون يابنات العذاب اللي انا فيه بعض الاحيان ادعي ع نفسي بالموت وافتك
من هالعذاب .....

والله اني صادقه في كل حرف كتبته هنا ... بس تكفون بنات ابي منكم انكم تدعووون لي بالشفاء
ماحس بطعم الحياة وجسمي وعظامي ماكاني في العشرينات كان عظامي عظام عجوز ماتحمل شي

واللي تعرف علاج لهالشي تكتبه لي الله يسعدها لاني بجد كرررررهت حياتي :26: