اختي (( ريم الفلا )) انا مثلك عندي بنت عمرها 3 سنوات وسبحان الله كانك تتكلمي عنها وفعلا الطفل الكثير الحركه يطلعك عن طورك وانا صرت عصبيه والسبه بنتي واكتشفت انها تحب تلفت انتباهي بأي شكل فرغي طاقته باللعب مثلا اشتري له بركه صغيره وخليه فيها وخليه يعمل اللي خاطره فيه من تنطيط ولعب لان الطفل يبغاله شي يمص شيطانته ونشاطه فانتي استغلي هالشي في صالحك او طلعيه لاماكن واسعه وخليه يجري ويلعب لين ما يطيح اللي براسه وشجعيه عشان يحس انك مهتمه له وان امكن شاركيه اللعب واذا انتي تشتغلين بالبيت اعطيه مهام وخليه يساعدك عشان يحس بقيمته وانك تعتمدي عليه انا ما اقول ان بنتي صارت ملاك ومب مأذيتني بس على الاقل تهون يعني ساعات تسمع وساعات تحقر وشوفي طفلك شنو الشي اللي يشده واستغليه فيه ولا تنسين الاطفال يحبون يلفتون النظر خصوصا احنا يا الامهات تطيح فوق روسنا والله يعينا على تربيتهم :26:

اختي ريم الفلا
نفس ما قالوا خواتي, انصحج انج تستغلين حركته بشي يفيده, و حاول تستهلكين نشاطه علطول يعني خليه مثلا يلعب كوره بالحوش بره. او ممكن تشترين له حوض سباحه يلعب فيه بس اهم شي تجابلينه بالوقت هذا. و غير جذي و جذي ممكن تتبعين معاه اسلوب المكافأه, يعني تخلي جدامه ورقه كبيره اهو يشوفها و ابوه بعد يشوفها. و قسميها 3 اقسام طولية مثلا. انتي قسم و الولد قسم. واليوم و التاريخ قسم. لما يسوي شي صح حطي له نجمه. لما يسوي شي غلط شيلي منه نجمه, اما القسم مالك. تحطين نجمه لج لما تمسكين اعصابك و ما تصرخين عليه او لما ما تضربينه.. و انشاءالله تشوفين النتيجه يارب.
اختك طيبة ام الصبيان

مشكورين وماقصرتو بس انا في شقه ماقدر اخليه يلعب كورة او احط له مسبح يسبح فيه بس بحاول على الاقل اشوف صرفه للمسبح ومشكورررين وماقصرتو والله يوفقكم دنيا واخرة