&&.. معااااااناتي مع الشغالة.... ابي راااااي!!!..&&

السلام عليكم ورحمة الله وبركاته

كيفكم يابنات .. والله زمان عنكم بس طبيعة الحياه تشغلنا:09:

المهم بدخل في الموضوع على طول

وبكتب معاناتي.. واتمنى انكم تشورون علي بالراي الزين



انا موظفة وعندي شغالتين سرلانكيات وحده للبيت ومطالب الاولاد ووحدة مفرغتها تساعدني باالتوأم:04::04:
والله يابنات انها تخاف عليهن من الهوى الطاير ومتابعتهن بذمة بالوجبات والرضعات وكانهن بناتها


بيوم من الايام وفي ليلة من الليالي اصاب هذه الخادمة تشنجات وهي خروج الزبد من فمها وتصلب جسمها
والتواء يديها.. وبعد افاقتها لم تكن تعي ماحدث لها .. سوى انها ترغب في النوم قليلا لانها تحس بصداع

وعندما استمر الصداع احست بثقل بجسمها وذهبت بها الى الطوارئ وبعد الشرح عملوا لها التحاليل والاشعة بأنواعها
وتبين انها تعاني نوبات الصرع تنومت يومين في المستشفى
ووصفوا لها العلاج اللازم.

أثناء ماكانت بالمستشفى اختلط الحابل بالنابل.. وطلبت من الاخرى مساعدتي
تحب الاطفال.. لكنها فاشلة في التعامل معهم همها الضحك واللعب وليس للجد مكان عندها

فقال زوجي اريد أن ابيعها..

فطلبت منه ان تبقى لأن هذا مرض وليست مسؤولة عنه.. ومع العلاج ستتحسن باذن الله ونكسب بها أجر لأنها
لاتعلم ماحصل لها.. ولو بعتها لن أكذب وسأقول سبب بيعها
أو ساسفرها الى بلدها وأعطيها مايقسمه لها ربها

وعندما فاتحتها بأني سأسفرها

بكت كثيرا وقالت انابيت من طين ومطر كله ينزل علينا.. وماما تعبان ياخذ دوا بالانبوب
وبابا موت ولا عندها اخوان او خوات وحيدة امها وتزوجت وبعد شهر سافرت عشان تعالج أمها

وانا مو قادرة افرط فيها لانها والله لقطة ونظييييييفة وأمينة
وانا معاناتي معاناة مع الشغالات.. عندي بناتي أهم من الشغل

وزوجي رافض .. يقول نبيعها ولا نبدلها..واذا اقنعني .. أجي ابقول لها
اقول بنفسي حرام اجيب لبناتي وحدة ما دري وش اخلاقها..
ومو شغلتي بس أودي واجيب..

لاني جبت قبلها نيبالية ومارتحت لها ابد.. ثاني يوم سفرتها.. طلعت سارقة نص أغراض شغالتي الثانية:06:


وانا اقول اتركها لان عندي غيرها تكون معها لو جتها الحالة
والدكتور يقول ماتجيها النوبة الا اذا اجهدت عقلها كثير بالتفكير

وش رايكن يابنات هي حابة تجلس .. اكثر من سنتين لو تركتها

وزوجي رافض جلوسها.. كيف اقنعه .. لانها تقول مابي اروح بلد وش فايدة بس خسارة فلوس فيزا
وانا ماراح ابيعها لان ماحد راح ياخذها اذا عرف حقيقة مرضها
عطوني حل!!

فيه احدمر عليه شغالة فيها صرع؟؟؟
كيف تعامل معاها؟؟