معاكسات الجوال!!!! مين عنده حل؟

الله يكون فى عونك

لي تقريبا ست سنين مطلعة رقمي والحمدلله ماعندي ازعاااج
واتبع هالطريقة
اي رقم غريب يتصل اكثر من 3مرات على طول اسلمة اخواني وهم يتفاهمون معه
ماارد على اي رقم غريب ابدا واذا اتصل وكان عندي احد من اخواني اخليه هو يرد
وانا معطية خبر للكل الي يبي يتصل علي من رقم غريب يرسل قبل علشان ارد عليه ..

وبعدين اذا كل ماغيرتي ازعجك نفس الشخص هذا واحد حولك ؟

الرقم اللي ماتعرفينه لاتردين عليه ( وانتهت المشكله )

الأخت جيتارا

شكرا على مرورك أنا كنت أتبع طريقتك بس مو كل مرة حولي أخ أو زوجي

و من سوء حظي رديت مرة و أنا في سفر على هذا العلة و لصق! واحد معتوه بعيد عنك
لدرجة انه كلمه زوجي مرة وهاوشة قام قال لزوجي عرفني على واحدة زي الي عندك!! تخيلو الوقاحة! معتوه ولا مو معتوه؟؟؟؟

وسبب تغييري لأرقامي السابقة مو بسسب المعاكسات كانت توصلني رسائل إعلانية من شركات ومحلات ...طبعا حرمت أعطيهم رقمي لأني عرفت انهم يبيعون قائمة الزبائن و الرقم الثاني كانت تو صلني منه رسائل( مبروك لقد ربحت اتصل الأن ) حول 20 رسالة يوميا من أرقام 7000 الي تطلع دعايتها في التلفزيون و شكيت انه أحد داق من رقمي عليهم فعرفو الرقم و راسلوني... قصتي قصة مع هالجوالات,,,,,,,,,,

طريقتي مثل جيتارا ..

ما ارد على اي رقم غريب ..

ومثلك .. ازعجني واحد لمدة طويلة ومن كذا رقم .. مرة برقمه هو ومليون مرة بارقام هنود ..

وطنشته .. لا اعطي الرقم احد يرد عليه ولا شي .. اخليه يدق ويدق ويدق لييييييين يطفش ..

او ...

اذا عندكم عجوز حليله وزين حكيها عطيها الجوال لا دق ..

قريبتي كذا .. عطت امها الجوال يوم دق عليها وقامت تنصحه باسلوب يهبببببببل وقالت له موب نافعك لا دعت عليك بنتي .. ترا دعوتها مستجابة لانك ظالمها .. ومن هالحكي ..

ولا عاد دق عليها ..

بس افضل الحل الاول وهو التطنيش ..

واذا دق على طول حطيه سايلنت وانسيه ولا تحرقين دمك عشانه ..

الله يبعد عنا وعنكم الشر ..