معاكسات داخل حمى الرحمن!!

بصراحه.. مادفعني لكتابة هذا الموضع هو مانراه على اطهر وانقى ارض على وجة الكرة الرضية

آلا وهي (مكة المكرمة) نعم مكة المكرمة............

عندما نفكر لذهاب الى مكة المكرمة مباشرة يتبادر الى الذهن هو الذهاب للعبادة والتقرب الى اللة

واكساب الاجر من اللة ......

لكن اليوم مانراة يجعلنا قبل ان نفكر بالذهاب الى (مكة) نفكر بأقوى واكبر محرم يذهب معنا ..

وذالك بسبب مــــــــــآل الية الشباب من استهتار وألآ مبالاة.. ومعاكسات (( بالجملة)!!!



عند اقل من اسبوع كنت في مكة طبعا لأداء العمرة..وقبل الذهاب اليها دار حوار بيني وبين اخي هذا الحوار:

انا : ودنا نروح لمكة

اخوي : وش عندكم؟!

انا: يعني وش عندنا اكيد بنعتمر

اخوي: بلا مكة بلا كلام فاضي هناك صار مافيها الا الخرابيط!!!

(( وطبعا هو يقصد المعاكسات اللي صايرة بالهبل.. واللة مالومة))



جاوبتة بكل ذهووول وش تقول انت ..( مع اني عارفة وش يصير فيها بس خايفة يقعدنا)

البنت اللي محترمة نفسها مراح يصير لها شي ...( مع ان واللة البنات يحترمون انفسهم ولا افتكو من

هالحثالة )

المهم .. انتصرنا ورحنا..

وصار اللي كان هو وكنا متوقعينة..

انتبهو للي بقولة عند الطواف اية عند الطواف يعني بالحرم وانا اطوف ومندمجة بالدعاء مع اهلي

واجهتي اغبى (ذكر) بالعالم اقول ذكر لانة مستحيل يكون رجال طايح فينا نظرات وابتسامات شككنا بانفسنا وكل وحدة تشيك على حالها

يمكن باين فينا شي ..بس ماقول غير انة في قمة الفضاوة..( يعني فاضي) وباين علية مش محرم لابس ثوب

مالقى مكان يعاكس فية غييييييييييييييييير ((((((((الحـــــــــرم))))) استغفر اللة





وغيرة من الشباب المراهق اللي يظن نفسة في شلية مش في مكان للعبادة ولا بعد في الحرم .... وخاصة في>>>>
(التــــــــــــــــــوسعة)
يأخواني ترى يحسبونها حديقة!!!!! مش مكان للصلاة..انا مأتكلم عن العائلات اللي يجلسون فيها مع انة شي خطاء وخطاء... بس اللي لفتني العربجيةو المعاكسات اللي فيها ..... واللة كنت اسمعة من اخواني واقول كلام فارغ مستحيل يصير فيها هالاشياء... لييييييييييييين شفت بعيوني...

من المواقف البسيطة!! اللي صارت بالتوسعة وبصراحة قالوها لي ماشفتها..

هذاك اللي يلعب بالسيارة اللي بجهاز لاسلكي..( وحاط فيها الرقم ويوصلة للبنت)) اجل هذة سوات تصير في مكان نصلي فية!!!!!!





واللي يصير <<بشركة مكة>> حدث ولا حرج.. لما قلت لاخوي بروح لشركة مكه..واللة ثم واللة رايحة اشتري اشياء موصييني عليها وطبعا معنا وحدة كبيرةواقسم باللة اني رحت ولا ادري عن الهباب اللي يصير فيها .... المهم لما قلت لة تغير وجهة..وقال مافية سوق غير شركة مكة؟؟؟ وفعلا ماينلام صار لي موقف تدرون مع من واللة صار لي مع عسكري مش سكيورتي ..لا.. اقول عسكري يعني شرطي يعني بدلة رسمية رايحة اسئلة عن مكان دورة المياة صحيح دلني بس تجراْ ويحسبني من الوسخات السخيف..ونسو انهم حماة هذة الارض وياليت على هذا العسكري اللي في الشركة ... البـــــــلاء على (((( بعض))) العساكر اللي داخل ..داااااخل الحرم......اللة يهديهم ويهدينا اجمعين.. اكيد ماقلت كذا الا لاني شايفة شي .. اللة يستر علينا وعليهم واللة فشلة

اتكلم عنهم ارجع واقول نااااااادر جدا مش كلهم





معاكسات في اسواق مكة ..شوارع مكة..التوسعة.. والحرم... ..<<<<يا كبرها عند اللة>>>>>

ونسوا هؤلاء الشباب كم من حروب خيضت لحماية هذة الارض؟

نسوا ماهو تاريخ هذة الارض المشرف؟وما بذلوة الابطال لعلو مكانتها..وياتون هؤلاء (الحثالة) لينجسوهـا بأفعالهم؟

نسوا الخطاء الواحد يحدث في هذة الارض باضعافة؟

نسوا انا صلاة الفرض الواحد في المسجد الحرام بمائة الف فرض..... نعم بمائة الف فرض .. وهم مشغولون بافتراس احدى الفتيات منهن البريئات ومنهن الاتي على اشكالهن؟؟

ونسو انهن في (مكـــــــــــــــــــــــــة المكرمـــــــــــــــــــــــــة)

منقول

نقلت الموضوع لأنه فعلا هذى التصرف الغريب صاير لي
المعاكسات صحيح أنها غلط في كل مكان
لكن شئ يصير بأطهر بقعه على وجه الأرض
فعلا شئ يخوف
ماقول غير الله يهديهم