طبعا فضولي شدني (المعاليق ) طول عمرنا واحنا ناكلها وخاصة في ريوق عيد الاضحى لها نكهة عجيبة000وهي احشاء الخروف الجبدة والجلاوي
وبعدين اكتشفت ان المعاليق قصدكم (العلاليق او علاق الملابس)
تالي تذكرت سالفة جارتنا سعودية متزوجة كويتي وقال له زوجها عندي ضيوف بالديوانية سوي لنا معاليق
استغربت من طلب زوجها 000بعد فترة دخل عليها زوجها ولقها مجمعة علاليق الملابس وتفتحهم وسألها اش عندج
قالت له انت قلت لي ابي معاليق
مسكينه تقول توني متزوجة ومستحية أسأله اش تبي بالمعاليق بالديوانية!!!!!!!!!!!
طبعاً اكيد كلنا تمر علينا كلمات نسمعها وما نعر ف معناتها
كل وحدة عندها كلمة اسمعتها وما عرفت معناها الا بعدين تشاركنا بالموضوع
انا عن نفسي اسمع المسلسلات المصرية يقولون خلي الاكل بالنملية !!!
تالي عرفت ان النملية اهي خزانه في المطبخ
