معاملة امي لي 😩

السلام عليكم ورحمة الله وبركاته
بنات بدخل بالموضوع ع طول الي يعرف مواضيعي بيعرف معاناتي مع اهل زوجي
المهم انا سافرت لاهلي لي يومين الحمدلله
قلت ارتاح وأغير جو وأصوم مع اهلي افضل
وانا من اول م قلت لامي اني بجي حسيتها م فرحت تقولي ليش اجلسي مع اهل زوجك مع عمتك
ليش تجين اجلسي اخدميهم لان أم زوجي تعبانه
انا وقتها تضايقت مره بس قلت لها مالي دخل فيها فين عيالها خلاص م قصرت جلست معاهم ١٣ يوم من رمضان
هي يمكن تتكلم لمصلحتي عشان محد يتكلم او ينتقد علي
بس بالطقاق فيهم المفروض انها مثل كل أم تحب بنتها وهمها بنتها وراحتها وبس
ووصلت من يوم الثلاثاء وحسيت امي ماش اقولها اشبك مو فرحانه بجيتنا قالت الا بس ليش م تقعدين معاهم وزوجك م يقصر ومدري ايش وع طول تسألني عمتك راضيه بجيتك او لا
الي صار اليوم قاعده اساعد امي بالفطور
وأختي الصغيره بالثانوي نايمه م قمت الا قبل المغرب بساعه
المهم تهاوشت انا وياها انا ابي اسوي شي وهي تبي تسوي شي وطنقرت انا م اخليها تسوي الي تبغاه وجن امي تكلمني اعطيها ووو وزعلت واعطيتها الأغراض وقلت مع السلامه خلاص خذيها والله ماعاد اسوي وتجي امي اشبك تنافخين م تحترميني وسكت مارديت وطول اليوم وهي زعلانه م تكلمني ابد ولا حتى تناظر فيني
وبعد صلاة الفجر كنت قاعده انوم ولدي وهو يبكي يبي الأيباد وانا اخذته لأنو وربي له ساعه بيده
وتجي امي وتأخذه من ع السرير وتروح غرفتها وتعطيه الايباد واروح لها وأحاول فيها امي هاتي الولد بنومه لاتعطينه الايباد عيونه راحت
خلاص قالت اطلعي برا مالك دخل قلت طيب بس بأخذ الولد ابغى انام وانومه قالت جعلك م تنامين انقلعي وانا احاول فيها بكل هدوء وهي تنتفخ اطلعي ومالك دخل وماسكه الولد
قلت لامي امي لاتخربين الولد علي وم تخلينه يسمع كلامي خلاص وقت النوم والجوال مافيه
قالت بخطك تحت رجلي وانا م عرفت أربيك وأعطتني ضربه ع ظهري
قلت خلاص ماعرفتي تربين هات الولد طيب نبغى ننام
وجلست تدعي علي ياجعلك تنقبرين
وضربتني ضربتين ثانيه واخذت الولد وطلعت وهي تدعي وتقولي ي كلبه ي حماره
😩
وهي تتكلم كل ذا وربي م رديت وانا عارفه اني م غلطانه تقولي انتي تنافخين علي ولا تحترميني
قلت اي انتي م تحبين الا فلأنه وهي م تدري عنك قالت اي هي نور عيوني
اخخ ي بنات وربي اني بارع فيها اكثر من اختي م اخليها تلمس شي ب البيت انا اشتغل كل حاجه وأختي والله ولا حاجه تنادي امي تنادي وهي م ترد وم تخدمها ابد
وربي مو مقصره وإني باره حتى تو قبل شهر مرسلها لها ألفين ريال والحين لمن جيت اخذت لها جلابيه وفستان ب حوالي٦٠٠ ريال
وم اقول شي تستأهل اكثر من كذا
بس تعبت هذي معاملة امي لي من زمااااان كذا
كنت دايم اروح اعتذر وأراضيها حتى لو م غلطت
لكن اما اليوم م افكر ابد لو اسافر وهي زعلانه
مارح اعتذر