معامله زوجي معي

السلام عليكم ورحمة الله وبركاته
امسي عليكم بالخير
حبيت اطرح مشكلتي هنا واتمنى القى الحلول المناسبه لوضعي ومعامله زوجي لي
انا متزوجه من ثمان سنين معي خمسه ماشاءالله الله يحفظهم
حاليا نفاس بالخامس وبعمليه القيصريه الثالثه
زوجي انسان نقول طيب وحنون على عياله عشان ما اظلمه
لكنه اغلب الاوقات قليل ادب معي ما يحترمني يهددني قدام عيالي بالضرب وبالجزمة لكنه اذا هدهدات الامور يكون زين معي
الحين انا ولدت تخيلو مافي رحمة يقولي اشتغلي وسوي وانا والله اشتغل ومعي خياطه من ثاني اسبوع شغل بالبيت وبعياله بتقولون وين اهلك اهلي في مدينه ثانيه وامي كبيره بالسن ما تتحمل جيتي انا وعيالي يضيق خلقها وتبدا المشاكل فقلت نار زوجي ولا جنة اهلي واهله جنبنا امي تكرهني مره العمى وتتلفظ علي وعلى عيالي فقطعتها وماصرت اروح لهم لكن بناتها يرسلون كل فتره حافظه وقهوه زي الجيران مايقصرون جزاهم الله خير
بتقولون ليه ما تتركيه والله عشان عيالي صغار كلهم مقدر اتركهم او اخرب عليهم دراستهم متحمله الذل والاهانه عشانهم مابيدي حيله وماعندي احد بيوقف معي لو تركته ورجعت بيت اهلي وفوق هذا اهلي يرسلون لي شحن ويرسلون مصروف لي ولعيالي لان راتبه قليل ولا احب اضغط عليه وفوق هذا حتى لو ارسلولي والله اني اخذ شوي والباقي اعطيه كرم مني اقول معليه ابو عيالي لكن مايثمر فيه جميل حتى لسانو وسخ على اهلي يتكلم عليهم لكن قدامهم الملاك الطاهر وانا ما احب افضحه قدامهم اسكت وامشي حتى اهلي قالوا لي بنجيب لك شغاله تساعدك رفض لانه ما يقدر يدفع وعيبه في حقه ولا يبغا احد يدفع
يقول اشتغلي انتي مافيكي شي وبطني كله غرز
هذي معاملته معي والايام الي يكون ربي هاديه ما يجلس معاي ما يسولف معي ما يهتم وش ابغا ما ابغا طز فيني مهمشه عنده وفوق هذا امشي عشان عيالي عنه ما حبني ولا احترمني دامه يصرف وعلي عيالي ومستورين خلاص اكل هوا ما ابغا اخرب على عيالي واشتتهم بيت امهم وابوهم اتمنًى تدعولي ربي يفرج علي