اختي وناسة حلوة
انا من الرياض والمادة ما راح تكون هالسنة اساسية اكيد الا اذا فاجأونا بقراراتهم الصاروخية كالعادة وسوء كانت اساسية اولا كل شي ما شي كما يجب
فالوضع راح يكون عادي .

واي استفسار انا حاضرة

السلام عليكم ورحمة الله وبركاته

لي عودة بإذن الله ..

لاعطيكم نبذه عن افكاري في معملي ..

وكيف الهبت الحماس في نفوس الطالبات انفسهم لتزيين المعمل بايديهم ..

ضوء المكان
انـــــــــــــــــــــــــــــــــــــــا بانتـــــــــــــــــــظــــــــارك لا تتأخرين علينا :time::time:

مرحبا اختي حاسوبية دجة
بالنسبة لصديقتي المدرسة النظام بيختلف شوي
هي بمدرسة متوسطة
ومطلوب منها هي تنزل المنهج على كيفها
وطبعا غير تابع للرئاسة بشي لان معهد الكمبيوتر هو المسؤول
والحصص غير اساسية ....يعني بس تصير حصة احتياط بتاخد الفصل الي عنده فراغ منشان هيك مافي نظام ولا شي.....الله يعينها ويعينكم لانه مهنة التدريس مسؤولية ...
تحياتي لكم


اختي ضوء المكان اكيد احنا بانتظارك لانك الهبتينا بافكارك قبل ماتكتبيها

معملي صغير ..

ويحتوي على 9 أجهزة فقط ..

بتكلم عن معملي قبل وبعد ..

قبـــــــــــــل :

- كان باب المعمل مبهدل وحالته حاله .

- مافي شيء على الجدران << اقصد لوح او وسائل ..

- اغطية الاجهزة تعلوها طبقات الغبار ..


بعـــــــد :

- صبغنا باب المعمل ..

- وضعنا تجليده " حزام " للمعمل ( ما اعرف وش اسمها بالضبط ).. عرفتوها والا لا ؟ << اللي تقاس بالامتار ..

- كبرت صور تتعلق بمجال الحاسب ولصقتهم على صحايف جميله مررررره ( جبتهم من مكتبة جرير ) وفي زاوية كل صحيفه ثلاثة وردات من ورد تباع الشمس..

- حطيت ركن لطالبات الصف الثاني ثانوي .. يحطون فيه ابداعاتهم في مجال الكمبيوتر .. وسميناه ( ركن ثاني ثانوي ) ..

بحيث انه كل طالبه تكتب اسمها على العمل اللي تعمله .. فكان هناك حماااااس شديد ..

- وركن لطالبات الصف الثالث ثانوي .. برضه يحطون فيه ابداعاتهم .. وسميناه ( ركن ثالث ثانوي ) ..

فكان فيه تناااااااافس شديد بين طالبات ثاني وطالبات ثالث ..

- قسمت البنات على الاجهزة .. يعني كل بنتين او 3 بنات على جهاز ثابت يكون لهم .. وهم مسؤولين عنه دائماً ..

- الاغطيه طلبت من الخاله تغسلهم .. ومن بكره خليت كل طالبة تستلم غطاء الشاشه والمعالج ولوحة المفاتيح حقت جهازها وتغطيهم .. بحيث بعد كل استعمال تحرص على تغطيتهم ..

- سوينا أحرف كلمة COMPUTER على ورق A4 .. طبعاً كان كل حرف على ورقه لوحده بشكل مكبر .. وبعدين قصينا كل حرف ولوناه بلون معين وصلحنا له اطار من الجرايد المقطعه قطع صغيره .. وحطيناهم على الحائط المقابل للباب .. يعني الداخل للمعمل اول ماتطيح عينه على كلمة COMPUTER ..

-------------------

وفي النهـــــــــــايه :

- صلحوا لي طالبات " 2ث " بطاقات دعوة .. لدعوة المديره والمعلمات والاداريات لزيارة معمل المدرسه .

- وطالبات " 3ث " صلحوا لي عروض بالباوربوينت .. ترحيبيه بالضيوف ..

وكان شغل الفصلين رهييييييب .. ومتقن .. ماشاء الله ..

ويوم حفل الافتتاح .. بخّرنا المعمل .. واستقبلنا الضيوف بالقهوة والحلى .. ابتهاجاً بقدومهم لزيارة معمل الحاسب الآلي ..