معاناااة بنتي أفيدوني جُزيتم الفردوس الأعلى

السلام عليكم ورحمة الله
كيفكم حبيباتي الله يعافيكم ويرضى عليكم عند بنت ثاني متوسط معاناتها مع الدوره الشهريه تعبتني والله نفسيا وجسديا لمن تجيها أول يوم تنزل عليها عادي م تشتكي شي بس يجي اليوم الثاني ياربي تقطع قلبي 💔
تجيها دوخه ماتقدر توقف مغص شديد تتلوى منه كأنه طلق إستفراغ لدرجة شفايفها تصير جافه وبيضاء من التعب
م تقدر تدخل في بطنها شي لا أكل ولا مشروبات حاولت بأشياء دافيه تستفرغ ع طول سويت لها كمادات اسفل بطنها ماجابت نتيجه اضطر اعطيها مسكنات ع معده فارغه ويادوب تجيب نتيجه وهذا ادري مو كويس ويوقف الدم بس اش اسوي
المستشفى استحاله تروح عندها فوبيا منه
انا مره شايله همها لان موعد دورتها الجاي وقت الاختبارات لمن تتعب ماتقدر توقف ولا تمشي من الدوخه غير الترجيع حتى من المويه😞
أحد عنده بنت ولا أخت زي كذا تتعب وحصلت لها طريقه تخفف عنها
ايش تنصحوني اعطيها من اول يوم عشان اليوم الثاني ماتتعب
صار ثاني يوم كابوس لي ولها رغم انه أول ماجاتها قبل سنه ماكانت تتعب كذا مغص خفيف ويروح بس كل شهر الاحظ اعراض الالم تزيد عندها ماني عارفه اش اسوي لها