السلام عليكم ورحمة الله وبركاتة
ابغى استفسر عن حالتي وكلي امل اني احصل عندكم حد يريحني ...
انا ياخواتي جاتني حالة غريبة فجاءة جاني خوف شديد وحسيت بطير من محلي لدرجة اني قمت اركض نفس المجنونة .. وهنا بدت القصة
صرت احس الدنيا حلم .. واحس تانيب ضمير صرت مااحس طعم للحياة حتى الاكل اتغصب عليه
تعبت النوم ماانام واذ نمت اقوم وقلبي يرجف كاني سهرانة ..
صرت اسال نفسي كيف جيت وليش انا كذا ..متى جبت عيالي وكيف ربيتهم انا ماعرف شي انا انسانة نكرة .. وكله احسني في الماضي واقول عمري مافرحت عمري ماضحت واحس تانيب ضمير ناحية زوجي وعيالي وحالتي حالة .. صرت اكرة امي وماابغى اشوفها تضايقني .. المهم كل ساعة وانا في شي تكون هذه فيني طول اليوم بالاخص في النهار اذا جاء الليل يخف واحس بالراحة واقول ليش انا كنت خايفة وليش هالافكار تجيني وانام واصحى وينعاد السيناريو تعب وزوجي قال نروح دكتور روحت واعطاني علاج وارتحت عليه وجلست 6 شهور عليه ووقفه مني وعقب الحمدلله
بس بعد ماولدت رجعتلي الحالة في النفاس تعبت مرررة وقلت لزوجي بروح للطبيب واعطاني علاج بس احسني يوم زينة ويوم احس راسي كان في ماء وضربات قلبي دايم قوية احسني كاني بدوخ وكاني بتجنن ونفس الشي يوم زينة ويوم للا
تعبت ونفسي اعيش طبيعية احسني خلاص تعبت ماني قادرة استمتع بحياتي نفس اول ماشي يفرحني ماقدر اسوي واجباتي واذا كلفت ع نفسي احس بالعصبية والغصة ابغى اسوي تمارين احس بالثقل والضيق وكاني شوي وابكي
واليوم الي بعده يروح واحسني طبيعية ويرجع اليوم الي بعده .. حد مثلي وكيف تعالجت
وسامحوني ع الاطالة ..
Abo0orh @abo0orh
عضوة نشيطة
يلزم عليك تسجيل الدخول أولًا لكتابة تعليق.
استعيني بالله واكثري من الدعاء والاستغفار والصلاة على النبي صلى الله عليه وسلم وكرري كلمة التوحيد
ارقي نفسك بالفاتحة واية الكرسي والإخلاص والمعوذتين كرري قدر ما تستطيعين
التلبينة ممتازة للاعراض النفسية والنواقل العصبية والخلل فيها ، فهي علاج نبوي
وهي شعير مطحون جيدا تاخذي ملعقتين منه وتضيفي له كوب ونصف ماء وتخلينه يطبخ حتى يثقل شوي زي البشاميل ثم تاكلينه اذا حبيت اضيفي له ملح او موية خضار ، وبامكانك تضيفي لها حليب بدلا من الماء وتحلينها تصير زي المهلبية ، نوعي فيها واستخدميها كل يوم او يومين واستمري بتتحسن نفسيتك وحالتك الذهنية بإذن الله
وتصدقي باي شيء تقدري عليه
شفانا الله جميعا
ارقي نفسك بالفاتحة واية الكرسي والإخلاص والمعوذتين كرري قدر ما تستطيعين
التلبينة ممتازة للاعراض النفسية والنواقل العصبية والخلل فيها ، فهي علاج نبوي
وهي شعير مطحون جيدا تاخذي ملعقتين منه وتضيفي له كوب ونصف ماء وتخلينه يطبخ حتى يثقل شوي زي البشاميل ثم تاكلينه اذا حبيت اضيفي له ملح او موية خضار ، وبامكانك تضيفي لها حليب بدلا من الماء وتحلينها تصير زي المهلبية ، نوعي فيها واستخدميها كل يوم او يومين واستمري بتتحسن نفسيتك وحالتك الذهنية بإذن الله
وتصدقي باي شيء تقدري عليه
شفانا الله جميعا
الصفحة الأخيرة
يمكن نوبات هلع عندك
انا جتني حركة الخوف والبكاء والكتمه
بس جتني بعد الرقيه بثلاث ايام
وبعدها الحمدلله استمريت على الرقيه ولازلت على الرقيه واختفت
وباذن الله ماعاد ترجع لي
ولازلت اقيم الليل بسورة البقره من 20 ليله شي عجيب كان مغيب عني راحه نفسيه اطمئنان
ولله الحمد
ارقي نفسك حافظي على اذكارك صبح ومساء صلي الصلاه في وقتها وراح تشوفي الفرق
وربي يشرح صدرك ويجمع لك بين الاجر والعافيه