معاناة أرجوكم أدخلووووووووووا

بسم الله الرحمن الرحيم

السلام عليكم ورحمة الله وبركاته

أخواتي جزاكم الله الجنة أنا لم أكتب هذا الموضوع إلا من حرقة قلب مما سمعت ولم أسمع الكثير

أنا من سكان جده لم أرى ولم أعرف أن هناك من لا يفطر ولا يتسحر في رمضان يعني يصوم وهو جوعان ما في بيتهم أكل ما عندهم فلوس أصلا

هذه عوائل موجوده في أحياء في جنوب جده والله حياتهم ما تتصورونها أنا شفت حي من هذه الأحياء الحريم يبيعون في الشارع

في مدارس بنات أمهات البنات يروحوا يطلبوا المعلمات مبالغ بسيطة بس حتى يسدوا جوعتهم

وغير كذا أفتكر قصة وحده قالتها لي أنا جلست أبكي ما تحملت وربي

تقول في بنات راحوا سرقوا من فصل فلوس البنات اللي في الشنط وفي وحده انسرقت فلوسها وجلست تبكي وتبكي وراحت للمعلمات وتقول سرقوا فلوسي جالسة أجمع الفلوس من فترة وأخذوها البنات

يوم سألوها كم المبلغ ؟؟؟ تدرون كم طلع ؟؟؟ 8 ريال فقط

باختصار وأنا طولت السالفة وهي قصيرة اللي تحب تتبرع للعوائل

بكيس رز أو كيس سكر أو كيس دقيق وزيت وتعلم زميلاتها وجيرانها وتجمعلهم كم ريال

صدقة لوجه الله على رمضان تقول لي

أنا في جده أقدر أعلمكم الطرق اللي توصلون فيها المبالغ أو الصدقات الدقيق وغيره

أما اللي من خارج جده أنا ممكن أكلم وحده من الحريم الدعاة اللي تروح للمدارس وأطلبها رقم حسابها وتحولوا لها الفلوس حتى يكون في ثقة


وأرجع وأقول لكم اللي تتصدق بريال ترى عند الله تعتبر صدقة لا تستهينوا بالريال

وأنتم حاولوا تقولون لمعارفكم



ترى في كثير نفسهم يتصدقوا بس ما يعرفوا فين وكيف لذلك كونوا أداة وصل وعلموا الناس ان في عوائل محتاجة وجزاكم الله الجنة