السلام عليكم ورحمة الله وبركاته
اول شيء بقولكم اني كتبت موضوع طويل وانحذف لكن الحين بكتب الموضوع باختصار لعل وعسى ينفع احد فيكم .. المهم هذا واحد من اخواني اكبر مني بسنه تقريبا الله رزقه بجمال وكان ذكي بالدراسه المهم كنت الاحظ عليه تصرفات غريبه بس ما كنت اعرف تفسير هذي الأشياء بحكم صغر سني منها كان يكلم الهوى ويسب وكانت امي تهاوشه تحسبه يستهبل وهو لساته صغيرما ادري اذا دخل المدرسه او لا وبعدها تطور الوضع صارت تطلع بجسمه خدوش كان ببالي وقتها انه هو ياخذ المشرط ويخدش نفسه وكانت على طول ما تنقطع عنه.. هذي تقريبا بالمتوسطه .. وبعدها صار يشكي لأمي انه يشوف ناس ويكلمهم وجابوا له شيخ وقال انه فيه سحرمشروب ومس وما ادري ايش وطلع واحد من الجن لأنهم كانوا 7 على ما اظن وقال بجيكم المره الجايه وبرجع اقرأ عليه وبعدها مدري وش صار مشاكل ومعد جاء الشيخ واصلا كان يحس اذا فيه شيخ يجيءللبيت فكان يهرب من البيتوصاروا الناس يتكلمون فيه ويقولون انه يشرب وياخذ حبوب ومدري ايش وحنا يا اهله صدقنا ذا الشيء وما كنا ندري انه المسحور تكون فيه علامات من علامات المدمنين المهم ترك الدراسه وسافر مدينه ثانيه واشتغل فيها مع انه مافي احد من اقاربنا هناك وكان الحل الأمثل لنا وله علشان المشاكل اللي تصير منه وانا كنت حاسه وقتها انه يعاني معاناه ما يعلم بها الا الله يعني هويصرف على نفسه من وظيفه راتبها بسيط وما خلى احد الا ويتسلف منه المهم انه ما كان يمر وقت السفر او اخر الليل او اي وقت فيه استجابه الا وادعي له بهذا الدعاء ( اللهم اغفر لفلان وارحمه واهده الى صراطك المستقيم واشفه فأنت الشافي المعافي ) طبعا اول شيء احمد الله واشكره وفي نهاية الدعاء اصلي واسلم على محمد لأني سمعت انه ما يستجاب الدعاء الا بهذي الطريقه اللي تحتها خط وبعدها بفتره طويله صرت احلم فيه احلام تكرهني فيه وطبعا هذي من الشياطين علشان اوقف الدعاء وكنت اصحى من النوم وهو عدوي اللدود وبعدما عرفت انها وسيله من الشيطان صرت لما احلم فيه ادعي له ووقفت احلامي عنه المهم قبل سنتين سافر لأهلي وهو شخص ثاني صار يصلي اخلاقه عال العال عدا فيه بعض الأشياء زي الدخان و الأغاني فحلمت فيه هذيك الفتره بحلم انه اثنين اشخاص اغراب واقفين عند كتفه وما سكينه ويأشرون عليه ويقولون باقي يحتاج لرقيه وبعدها رحت عنده وقلت له اني حلمت حلم لك فقالي لا تقولين لي المهم اني خبرته وتضايق وقال ليتك ما خبرتيني وبعدها سافر والحين رجع بعد سنتين ويقولون اهلي انه تغير للأفضل صار ينام وسماعات القران في اذنه والأغاني ما يسمعها يوصينا على الأذكار يقول لاتروحون مكان الا وانتم محصنين انفسكم وخاصه الزواجات.و كل من شافه يقول احلويت وفتحت وصار جسمه حلو بعدما كان هيكل ما شاء الله لا قوة الا بالله حتى صار يخاف على نفسه من الحسد ههههه والله ما ينلام من اللي شافه بحياته ,ووووبس ابيكم تدعون له انه ربي يثبته ويكون تشافى تماما
والله الله بالدعاء لا تنسون لأن الدعاء يرد القدر بإذن ربي وكمان لا تنسون انه تكونون على يقين بإن ربي رح يشافيكم وانه كل ما اصابكم فهو كفاره لذنوبنا
وسلامتكم
اسيل اخت مي @asyl_akht_my
عضوة نشيطة
يلزم عليك تسجيل الدخول أولًا لكتابة تعليق.
ღˆ¨°ღ♥الهنوفღˆ¨°ღ♥
•
الحمد لله على سلامته والله يجزاك كل خير
اسال الله العظيم رب العرش العظيم ان يشفيه ويتمم عليه الشفاءالتااام وان يجزيك خير الجزاءويكون سبب دخولك الجنة لاتنقطعي عن الدعاء والصدقه
الصفحة الأخيرة