معاناة استاذة رياضيات جديدة

السلا م عليكم
ليش واقفين عند الباب أدخلوا الفصل؟
استاذة نبي الحمام ...........ابلة ابي مويي.............ابلة ابلة استاذة فلانة تبيني
مافية خروج كل وحدة في مكانة
استاذة ضروري
(وبعد المعاناة استسلم وأطلع طبعا خلاص مايرجعون هربوا وياويلي من الادارة لو حصلوهم )
يلة يابنات طلعوا الرياضيات بدون صوت اسكت يافلانة وياعلانة (راح من الوقت ربع ساعة خلاص مايمدي نسئل عن الدرس الي راح ولا نشوف الواجب )
نبداء بالدرس واسل كل سيوفي ومقاومتي للدرس ومع ذلك مانفهم ياستاذة


طبعا الي فات حصة من الحصص الي أقدمهم وطبعا مو كل المعاناة لسة باقي
انا ادرس في اهلية وطبعا مايحتاج اشرح كيف وضع البنات فيها وكيف نظرتهم للمدرسات انهم زي الخدامات فهيا جاية بفلوسها وتبي تتدلع وطبعا الاهل الي مع بنتهم في كل شي وكل ماتقول صحيح ولايقبل النقاش والادارة الي تقول اكسبوا البنات ولاتشدون عليهم
اخرتها امس قاطعه قلبي واسوي مراجعة قبل الاختبارات ومو عاجب
وحدة وانا اشرح تلتفت على زميلاتها وتقول (وش هل المدرسات الي جايبين) تخيلوا البنات قاموا يضحكون وانا سويت نفسي ماسمعت
وتخيلوا وحدة من الامهات شاكيتني والبنات شاكيني وان اسوي الي فوق طاقتي مسوي ملخصات واوزعها واسوي مراجعه قبل الامتحان واعيد الاختبارات ولا مرة قليت ادبي مع وحدة وطيبة هم انفسهم قالوا انتي ياستاذة على نياتك وحتى اذا عاقبت اتراجع واسامح وحدة غاشة وسامحتها وعدت الاختبار
نفسي افصل وارتاح من الشقاء لكن ضروفي محتاجة ومع انة الراتب مايسوى الشقى تخيلوا 1800 ريال بس مع انه نشتغل اكثر من 5 ساعات يوميا
وهذا كلة وتجي الموجهه و تجيب العيد سوي مهرجان للمتطابقات واوراق عمل وبلاوي وش اسوي
مااعرف قلنالها خلاص وانا ودي اكفخها تخيلوا البنات قعدو شهر مااخذوا رياضيا ت يعني متاخرين
وهاذي فاضية للمهرجانات
الي ابيه منكم ياعزائي توجهوني في التدريس تعطوني افكار حتى اسهل المادة واتمكن منها انا ادرس اولى ثانوي وثالث متوسط
ولي عندها افكار لوحات للمتطابقات واوراق عمل
وجزاكم الله خير الجزاء