لورينا--3

لورينا--3 @loryna_3

عضوة جديدة

معاناة الطفلين مع زوجة الاب

الأسرة والمجتمع

السلام عليكم ياحوائيات موضوعي ياطويلات العمر عن جارتي هي متزوجة وعندها ولدين وعايشة طبعا معززة مكرمة ببيتها وعايشة معاها ام زوجها وهي حرمة كبيرة بالسن طبعا مو على طول هي مقسمه ايامها بين اولادها وبناتها المهم زوج جارتي كان متزوج قبلها وعندة ولدين وكانو الولدين عايشين مع امهم ولمن كبرو وصار عمر الكبير 9 سنين والاصغر8 سنين اخذهم ابوهم يعيشون معاه يعني صارو الاولاد كلهم اربع
وانا هادي الجارة عزيزة علي وهي بصراحه جدا تحترمني وتقدرني رغم اني اصغر منها بكتير هي يمكن داخلة عل اربعين وانا لسى في العشرينات وهنا الحيرة في موضوعي
اشوف تعاملها مع اولاد زوجها مو تمام مافي وحدة ترضاة لعيالها ابدا اول شي بايام المدرسة طول وقتها ترسلهم يشترولها من اماكن بعيدة عن البيت يشترولها حاجات تافهه وادا جابولها تقولي ويش رايك احسن نجيب لون تاني ولا مقاس اكبر وترجع ترسلهم تاني وتالت والله زي ما اقولكم ومو مع بعض كل واحد ترسلة مكان غير وتدلع عليهم كل شوي تفتكر شي وتقولهم روحو جيبو وهاتو المشكلة من اماكن بعيدة والله عيال جيراننا اكبر منهم مايروحون دي الاماكن البعيدة حدهم جنب البيت وخلاص وادا يبون شي ابوهم يشترية لهم المشكلة انو جارتي التانية يوم وهي رايحه بندة لقتهم يبكون عند المواقف ماهم عارفين طريق البيت ومتحملين اغراض ثقيلة قامت وقفت لهم ليموزين وجابتهم البيت وساعات بتخليهم يغسلون الموكيت يمكن مقاسها اربع في خمسة في السطوح وعلى طول يربون عيالها والزبالة الله يكرمكم اخر الليل والله كيس كبير مرررررة اشوفهم الاثنين شايلينة ومو قادرين علية كل يوم والصباح قبل مايروحون المدرسة ترسلهم يشترون لها عيش من مخبز بعيد برضو لان حضرتها ماتحب الي جنب البيت وتحب انو يروحون الصباح بدري يشترونو لها لانها تحب تاكله حار ومرة كنت جالسة عندها دخل الولد الصغير الي عمرة 8 يستاذنها ممكن اخد شوي من الشوكلاته حق عدنان بس ملعقة صغيرة ابية مع الحليب طلت فية وقالت له خد حسيتها استحت مني بالله ايش معناته لمن يجيها ويستاذن ؟؟؟ تفسير واحد انها محددتلهم اكل معين ياكلونة بالبيت وانا اشوف كدا من كلامهم معاها واستاذانهم سالتها ليش من يسولهم العشا قالت هم يسوونة وينامون وهي مالها صلاح فيهم طبعا واولادها الي يبونة ياخدونة من غير استاذان وبعدين كل ماتدخل عندي تطلعهم كل شوي يجيبون لها شي من بيتهم مع العلم هم بالدور السادس والله يمكن تطلعهم يمكن 8 او9 مرات لاسباب تافهه اما اتاكد انو الباب مقفل او اطلع جيب الكيس الي بالدولاب او او او فضاوة حريم بس احسها تتعمد الاذية فيهم وباين من شكلها وكل الجيران عارفين وماحد يقدر يواجهها تخليهم يغسلون الصحون:angry: ويساعدونها في الطبيخ وايام المدارس لمن يجي وقت النوم اولادها جالسين عند راسهم ياذونهم وهي ساكتة يشغلون التلفزيون باعلى صوت بنفس غرفتهم تبع اللنوم وهي ساكتة ولا كنو شي صاير والله العيال نفسيتهم تعبانه ومايقدرون يواجهونها والكل عارف وماحد راضي يتكلم مع انو الكل علاقتو تمام معاها مو انا لوحدي بس انا قلبي محروق عل اولاد احاول اعوضهم عن حنان امهم افرحهم اجيبلهم ملابس اشتريلهم الي خاطرهم فية فكرت اقول لامهم بس ايش الفايدةة حيتقطع قلب المسكينة وهي بعيدة عنهم عايشة ببلد تانية او ارسل رسالة للاب عن طريق جوال مجهول لانو هو يحب اولادة موووت بس اتوقع مو عارف عن هادي التصرفات وهم مايقدرون يتكلمون لانها تهددهم سالت كتير من الي حولي قالولي لو تكلمتي حينخرب بيتها وحيطلقها خليها مصير العيال حيكبرو وحيوروها الشغل كيف الحمدلله انهم عيال مو بنات انتو ويش رايكم اتكلم ولا اسكت ولا فيدوني بحل والله كاسرين خاطري هدولا الاولاد اسفة حبايبي طولت عليكم والله يفرح كل وحدة ترد على مو ضوعي ويجبر بخاطرها ويحققلها الي تتمناة يارب
54
4K

يلزم عليك تسجيل الدخول أولًا لكتابة تعليق.

تسجيل دخول

احلى انا
احلى انا
ياقلبي عليهم انا حرام صغار مارحمت ضعفهم حسبي الللة عليها كيف تقدر تنام الليل ياربي يلطف بهم مادري ايش اقولك صراحة طيب اول شي كلميها وذكريها بالظلم وخوفيها واذا ماتجاوبت اقطعو صلتكم بها كل الجيران عشان تحس بغلطها وخلي زوجك يكلم زوجها احسن يعني يقولو شفتهم بالمكان الفلاني غريبة صغار كيف تخليهم يروحولو ويحاول يوضحلة اللي تسوية زوجتة بس لاتدقين على امهم حراااااااااااااااام ربي تنجن ليش الرحمة انزعت من قلوب الناس :mad:
جوووري()
جوووري()
يآحياتي :(

حرا ا ا ا ا ا م عليهآ وربي :(

حرااااااااااام عليهآ :(



لورينآ
باللله كلميهآ
كيف تنآ م :(

جعلها تشوفها بنفسها وصحتهآ
ليله وياعساها تعود
يآحياتي :( حرا ا ا ا ا ا م عليهآ وربي :( حرااااااااااام عليهآ :( لورينآ باللله كلميهآ كيف تنآ م :( جعلها تشوفها بنفسها وصحتهآ
يآحياتي :( حرا ا ا ا ا ا م عليهآ وربي :( حرااااااااااام عليهآ :( لورينآ باللله كلميهآ...
العيال يكبرو وياخذو حقهم وزياده لاتحافي عليهم
درة الأثير
درة الأثير
ااكيد الاب مايدري خلي زوجك يكلمه حرام الي يصير فيهم
كيف يدرسو في هذا الجو او كلميها انتي قولي خذي اجرهم بكره يكبرو ولو عاملتيهم زي عيالك بكره اذا كبرو ينفعوك
همسة غلا...
همسة غلا...
حسبي الله ونعم الوكيل على كل ظالمه