مرحبا يابنات
قبل شوي كنت أفرفر في المنتديات ولقيت هالقصيده وأثرت فيني بصراااحه:(
يااارب ياكريم أنك تشفي كل معاق ومريض من المسلمين
أقروووها يابنات وادعو للمعاقين والمرضى وأحمدوا ربكم عالعافيه والصحه
قصيدة مؤثرة جدا للشاعر محمد عويضة
تعبر عن معاناة المعاق في مجتمعنا العربي بصفة عامة
أالطفوله ..
أحلى مافي هالحياه
مرحله من غير هم
كنا دايم نبتسم
كنا حتى لو بكينا ... وجارت الدنيا علينا
بعد لحظات وثواني ...
بسمه فينا ترتسم
كنا نركض خلف كوره ... لا لا أنا ماكنت معهم؟
وحدي بس بعيد عنهم ... كنت أضحك من ضحكهم ...
جالس لحالي أهذري... جالس أحسب كم( كوبري )...
صلحه( أحمد ) في ( ماجد ) ؟؟
والله واجد!!
وقبل ما يحل الظلام ...
للبيوت نروح نجري ... لا لا أنا ماكنت معهم !
أمشي وحدي بعيد عنهم ... أمشي وأعدد أثرهم!
وهم عني يبعدون ...
يبعدون ... يبعدون ...
إلا( ماجد )!
كان مثلي حيل ضايق ...
بس حزني كان حارق
كان يسألني ببراءه : ...
ليش تعرج ؟ ... قلت مادري ! - باستياء -
ليش تبكي ؟ قلت مابكي - بكبرياء -
ضاق مني ...
ثم سألني في غباء ...
قال ( وثرايك تثابق )؟
وراح عني ... !!
****************************
كنت أسأل دوم نفسي ...
ليش ما أركض معاهم ؟؟
ليش دوم أمشي وراهم ؟؟
وش بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله...
كل شي أجهله ؟
وإن تعبت من الإجابه...
أحظن الحيره وأنام .
*****************************
مرت سنين وكبرت ...
صار همي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز )!
يعني بيني وبينكم
مليون حاجز !!!
صدقوني ذي حقيقه ...
لا طلعت السوق ... كل مامشي دقيقه
القى كل شوي أبله !
يمشي ويناظر صديقه ...
ويغمز له
يقول : ناظر...!
وش يناظر ؟؟
وتتفجر في خفوقي
ألف ضيقه
وحده في وسط الزحام ...
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطور !!
قلت في نفسي ياهوه
هي تناظرني بغرام ؟ أو هي نظره والسلام ؟
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت ...
لي قصيده ...
كنت ناشر معها صوره
بس صوره ... ياسلا م
وفاجأتني ...
لما صارت لي قريبه ... كانت تتمتم بطيبه
( يكسر الخاطر حرام ) !!!!!
وتركت دمعه غريبه ...
وضاعت بوسط الزحام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظات وأقسى
لاغدا الرجال يكسر ... خاطر انثى
كيف ينسى ؟؟؟
جاوبوني !
******************************
وزاد همي ...
يوم فكرت بوظيفه ... ثم زواج
أي وظيفه ... وأي زواج ؟؟
اللي مثلي ...
مهما طالب ... لويلف ولو يدور
زين لو حطوه كاتب
لا ... وعلى بند الأجور ...
ماهو رسمي !!!
صدقوني لو تدرج ... وصار راتبه يتصاعد
وابتدا وضعه يزين
ما أظنه بيتزوج ... إلا من بعد التقاعد
من سنه الى سنتين !
******************************
وفي النهايه ...
يابلدنا... مهما كانت تسميتنا
عاجزين ... معوقين
لك عهدنا... وذا قسمنا:
أقسم بالله العظيم ... منزل الذكر الحكيم
أن أصونك يابلادي ... من شرور العابثين
من مطامع كل حاسد ... من نوايا كل فاسد
وإني لك حصن حصين
إنتي ناديني وشوفي ... لا نويتي بالجهاد
والله أقهر لك ظروفي ... دامك إنتي لي بلاد
وباسم كل العاجزين ...
دام فينا أصبع يطول الزناد
لا يهمك يابلادي ...
وازهليها.
× فنجان قهوة × @fngan_kho_1
محررة ماسية
يلزم عليك تسجيل الدخول أولًا لكتابة تعليق.
ايش اخباري؟
•
الله يشفيهم
يا الله قصيده مؤثره مرررررره ... الله لايحرمهم الاجر
عالابتلاء
وهذي قصه وقصيده مشابهه
http://forum.hawaaworld.com/showthread.php?t=3357937
لا اله الا الله
عالابتلاء
وهذي قصه وقصيده مشابهه
http://forum.hawaaworld.com/showthread.php?t=3357937
لا اله الا الله
الله يشفي كل مريييض ومعاق وعاجز من المسلمين ويعضم أجرهم
شاكره مروركم الكرييم
نفووسه:
قريت القصيده في موضوعك مررره مؤثره والحمد لله على نعمة العافيه ..
شاكره مروركم الكرييم
نفووسه:
قريت القصيده في موضوعك مررره مؤثره والحمد لله على نعمة العافيه ..
الصفحة الأخيرة