معاناة اولاد اختي الله يرحمها مع زوجة ابوهم

السلام عليكم ورحمة الله

بنات انا اليوم ضايقة فيني الدنيا:44:
لي اخت توفت من 6 سنوات تقريبا،، هي كانت متزوجة سعودي ولما توفت كان عندها ولدين
الكبير كان عمره 5 سنوات والصغير 4 شهور:(
وأمي الله يرحمها خذت الاولاد وقالت انا بتكفل فيهم
وربي يا بنات ان زوج اختي عمره ما صرف عليهم ولا ريال
ولا كان يذكرهم لا بالاعياد ولا المناسبات ولا شي
المهم اهله اقنعوه انه يتزوج وفعلا تزوج قبل لا تكمل اختي سنة من وفاتها
خذ وحدة مطلقة بس ما عندها عيال
وامي الله يرحمها قالت له طلبتك لا تاخذ العيال مني هم من ريحة الغالية وانا بربيهم
وفعلا خلاهم عند امي لحد ما صار عمر الولد الصغير 3 سنوات
وجا ذاك اليوم هو وحرمته وقال لأمي خلاص انا باخذ الاولاد
وامي استسلمت للأمر الواقع بس يا عمري عليها مرضت من فراقهم وما غير دمعتها ما وقفت:44:
المشكلة الحين يا بنات ان الاولاد كل ما يجون لنا نشوف الوان الطيف بأجسامهم
واذا قلنا من ايش؟ قالوا ماما تضربنا:icon33:
الحين الولد الكبير يفهم وربي يجلس يقول لنا ايش تسوي فيهم زوجة ابوهم وربي ان نار تشتعل بقلبي
من افعالها الشينة فيهم
تصدقون انه مرة الولد الصغير جاي وفي رباط على يده وربي حاطة يده بالارض ودايسة عليها
هي عندها ولد الحين ما تخليهم يلمسون العابه ودايم تقفل عليهم باب غرفتهم
وتضربهم بقوة وتشد شعرهم واذا اشتكوها عند ابوهم تنكر أو تقول انهم جننوها وغصبا عليها
ولد اختي يقول انه دايم يشتكي لعمامه وجدته وهم ما يرضون عليهم
بس لما يقولون للأبو يقول انا بكلمها وبوقفها عند حدها ولما يرجع البيت ولا كأنه شي صاير ويدلعها ويجيب
لها انواع الهدايا
وهو طبيعة شغلة تطلب انه يسافر احيانا،، واذا سافر من تصير الساعة 8 بالليل تقفل عليهم باب الغرفة
ويجون صديقاتها ويسهرون معاها للصبح على الشيشة والسوالف والضحك وما تفتح الباب عليهم الا الصباح


هذا كله نقطة في بحر،، انا مابي منكم الا دعوة لأولاد اختي
ان الله يصرفها عنهم وياخذ حقهم منها ان شاء الله