معاناة خواتي الاربعه ((؟؟ والــــحــــل ؟؟ ))

السلام عليكم ورحمة الله وبركاته

شلونكم يابنات عساكم بخير

بعد تردد طويل قررت اكتب معاناة خواتي :( ولله ماكتبت الا وانا كلي ثقه

انكم ماراح تقصرون وياي وماشاءالله عليكم تحبون الخير لغيرهم عسانا ماننحرم

من خواتنا الطيبات ..

معاناتهم اهي ((((((( التأتأة )))))))

انا عندي 4 خوات اكبرهم عمرها 13 سنه واصغرهم 3 سنين ونص
وكلهم يعانون من (( التأتأة ))

اكيد بعضكم مايعرف شنو ( التأتأة ) انا اقولكم صعوبه كبيره في اخراج الكلمات
وبعض الاحرف

خواتي كلهم يعانون منها هالسنه هذي طلعت بأختي اصغر وحده صراحه تضايقت حيل وبجيت لان سوالفها حلوه واكبر منها توقعت عين بس لما فكرت وقلت

يعني خواتي كلها عين مو معقوله ولا انسى اقولكم انها وراثه من اجدادنا
بس امي وابوي مافيهم شي

بنات هالمشكله صعبه حيل وتسبب حاله نفسيه وهذي اللي ملاحظته على خواتي
انطوائيه واللي يزيد الطين بله المدرسات والبنات يتمصخرون عليهم

وصار يكرهون المدرسه ووحده من خواتي اول سنه ماداومت طوفتها بسبب هالمشكله تخيلو ماتقدر تقول اسمها للابله والابله تهاوشها وتقوم تبجي اختي :(

ماابي اكسر خاطركم لو بكتب عن اللي يصير لهم ماراح اخلص

وكل الل ابيه منكم ( حـــــــــــل )

تكفون يابنات

لا تقولون دكاتره وطب نفسي كله خرطي وكلام فاضي

واللي مرت بتجارب تقولنا وتفيدنا او تعرف احد يعاني منها وشفى منها

الله يخليكم لا تهملون موضوعي