معاناة سنين اكتشفتها الآن..

بسم الله الرحمن الرحيم..

كيفكم ان شاء الله بخير...

ابدخل في الموضوع بعد معاناة 3 سنوات اكتشفت ان كل الألآم اللي فيني بسبب العين زادت تعبي واحساسي بالضيق بعد مناسبه كانت عندنا لدرجة كرهت الحياة ما ابي أجلس في البيت أقولهم طلعوني اي مكان كرهت الناس مع اني احب الجمعه والوناسه بس ماعاد في شي يبسطني دايم أفكر انه مافي شي الحياه حلو اتمنى اعيش مثل غيري صوم وعبادة وحفظ للقرآن

ودتني أمي الله يحفظها للشيخ مع اني كنت معارضه بس غصبتني وروحت وكنت حاطه في بالي اني مريضه نفسيا بس قرأ علي الشيخ تعبت حسيت اني مكتومه وجسمي يتشنج المهم اعطاني زيت وسدر وشراب عشان الضيقه الحمدلله على كل حال استمريت في البدايه بعدين صرت اتكاسل يوم احط الزيت ويوم لا

المهم تعبت جدا جدا لدرجة خلاص على بالي بموت تعبت من كل شي نفسي اقوم واتحرك مثل أول كنت اشيل واحط بس الحين احس بكسل فضيع والنوم في الليل اخاف

والمصيبه الأعظم أخااااااااااف أقرأ القرآن وربي خوف مو طبيعي ابوي يقولي اقرأي يابنتي وأقوله طيب ما ابي اضيق عليه واحزنه علي اكثر لا تقولون حاولي اخاف اتعب لأن كل مره اتعب تكون اقوى من اللي قبل والله تعبااانه حتى الكليه ماعاد اركز مثل أول نفسي ونفسي ونفسي بس ما اقدر

انا ما ادري اذا ما قرأت القرآن علي اثم يمكن من رمضان الين الحين ما قرأت بس كنت اسمع أو أقرأ اي شي حافظته بس مع وضعي الحين بس أقرأ اللي حافظته حتى ما اقدر اسمع؟؟؟

وبرضوا اذكار الصباح والمساء ما اقدر اقراها احس بضيقه فضييييعه ايش اسوي اخاف اموووت وانا ما قرأت القرآن..

ادعولي بالشفاء وربي يخفف عني لعلها تخفيف ذنوب...

يارب يارب يارب اشفيني....