معاناة صديقتي,,,,تقول أن زوجها متمرس

هلا حبيباتي


أعز صديقاتي رجعت من شهر العسل وطبعا جلسنا نسولف براحتنا فقالت لي مأساتها وهي,,


أن زوجها حنون جدا ويحبها وما شافت منه ما يضر وهي بعد حبته بس تقول أن معاناتها بدأت من أول يوم جلست معاه بعد عقد القرآن بأن الرجال باين عليه متمرس وخبير في التعامل مع البنات من جرأته وكلامه وتصرفاته لكنها كانت تقول لنفسها عادي يمكن هالشي من أختلاطه مع أصحابه وسماعه لسوالفهم عن البنات والزوجات لكنها بعد ليلة الدخله شعرت أن الرجال متمرس ايضا في العلاقه الحميمه وفاهم كل شي وكأن هالشي مو جديد عليه وتقول أحس كأن الرجال متزوج من قبل ألف مره وبدأت تشعر بالضيقه والغيره لأنها شبه متأكده أنه كان له ممارسات وعلاقات عاطفيه قبل الزواج برغم حبهم الشديد لبعض وتعلقها فيه.

أنا بصراحه قلت لها لا تشيلين في بالك ترى الوقت الحين مو مثل أول يعني النت والفضائيات لها تأثيرها واللي ما يعرف أكيد صار يعرف ولو فرضنا انه كان له علاقات قبل الزواج فتأكدي أن القسم الأكبر من شباب هاليومين مثله ويمكن الرجال خلاص ترك كل شي وبدأ معاك حياة جديده خصوصا انك ما شفتي عليه دليل أو برهان ملموس.

فما رأيكم بكلامي معها يا بنات وهل في وحده منكم مرت بهالتجربه وكيف تعاملت معها ولكم جزيل الشكر