معاناة صديقتي مع الرجيم

السلام عليكم م رحمة الله و بركاته ...

حبيت أقولكم هذي القصه اللي صارت لصديقتي .. علشان أنتوا وااااااااااااايد غالين علي ما

أبيكم تواجهون نفس المشكله .. ( وأتمنى لكم الصحه و العافيه ). :)

سمعوا السالفه .. ( أنا أعرف وحدة بصراحه سالفتها أتعور القلب وهي أكبر مني بسنه يعني المفروض تتخرج من المدرسه سنة 2002 بس اللي صار لها خلاها تتخرج 2003 يعني معاي .. المهم .. قصتها .. إنها كانت تعتبر نفسها وااااااااااااااااااايد سمينه بس بصراحه ما كنت أشوفها سمينة لهذي الدرجه .. و أقدر وزنها بالكثير 80 كيلو جرام .. فسوت رجيييييم متعب جدا جدا جدا .. وهو كان عباره عن حبة طماطم +حبة خيار + تمر كمية بسيطة جدا + ماء .. تخيلوا بس هذا يوميا لمدة طويله تقريبا ثلاث شهور .. لين ما جسمها فقد وايد من الوزن بس للأسف طيحها في العنايه المركزه في فترة أمتحانات الثانويه العامه .. وكانو يعطونها الأكل بالأنابيب وبس سوائل حتى الأكلات المهروسه كانت تتعب منه وما تقدر تهضمه لين ما بالتدريج تعودت على الأكل من بعد ما كانت بين الحياة و الموت وكانت فرصة حياتها ضئيله .. بس الله ستر و عافاها قبل ليشتكي عليها جسمها يوم القيامه .. )

هذي قصتها مع الرجييييم ... أتعور القلب صح ؟

حبيباتي أنا قررت أسوي رجيم ما يتعب علشان ماشتكي علي جسمي يوم القيامه ....

وتذكروووا قول الرسول عليه الصلاة والسلام :(( إن لجسدك عليك حق )) وحافضوا على النعمه اللي الله عطاكم إياها وغيركم يتمناها وهي الصحة والعافيه ..