بدخل في الموضوع على طول صديقتي ساكنه مع اهل زوجها نفس حلاتي بس عاملين لكل عيالهم شقه صغيره ع قدهم في نفس الفله ... المهم صديقتي طيبه وماعمرها تصرفت تصرف مسئ لأي احد خاصتا حماتها ... كل ماتروح مكان هيا وحماتها ماتخلي حماتها تقعد ورا ابدا تخليها تقعد قدام جنب ولدها ... صديقتي مسكينه زي حلاتي تعمل مرتين في الأسبوع غدا وطبعا لازم يتغدون مع بعض ... المشكله مافي الموضوع كل مايحصل مناسبه عند اهل زوجها تكون في نفس اليوم الي تعمل الغدا ... وهيا مسكينه ماتقول شئ لهم ابدا تروح تعمل لهم الغدا بس ياريت يخلونها تعمل تونه على الأقل او مكرونه سهله وسريعه على طول ماياخذ الأكل ساعه بالكثير ... لا تصادف يا لحمه يا دجاج طبعا الدجاج بعظم يعني يطول الين ماينضج او سمك الي يخلي ريحة الجسم والشعر سمك في سمك ... بس يوم كذا قالت لي ان سلفتها عامله اضراب ماتنزل تتغدا معاهم ولا تطبخ اليوم الي المفروض تطبخ فيه والسبب انهم معاد صارو يدقون عليها ويقولون لها غدا ... الي قهرها صديقتي قالت لي سلفتها الثالثه ولدة واهل زوجها راح يعملون لها سابع صديقتي راحت عند حماتها قالت لها اعفوني من الغدا قالت لها حماتها طب مين راح يطبخ قالت لها صديقتي جيبو غدا من برا قالت لها حماتها انا ماراح اقدر اقول لعمك الي هوا ابو زوجها انه يجيب غدا قالت لها طب كيف ناس راح يجون هنا عندنا ولازم نكون جاهزين قبل وصولهم ... قالت لها خلي زوجك هوا الي يجيب لأنو مااقدر اطلب من ابوه قالت لها طيب ... وهنا المسكينه قالت راحت لزوجها قالت له جيب غدا في يوم السابع عشان انا ماراح اقدر صديقتي عندها طفل قالت توها تعلم طفلها انه ينام بلا حفاضه وطبعا عارفين كيف المعاناه الي نعانيها مع اطفالنا ونقوم لهم في نص الليل ونلاقيهم غرقو السرير ويالله نقوم وننظفهم وننظف السرير وحاله مايعلم بها الى الله ... المشكله هنا انو زوجها راسه والف سيف انها تعمل الغدا والله صديقتي المسكينه مقهوره سلفتها ماتعمل الغدا ولا تنزل تتغدا وزوجها ولا يقدر يفتح بفمو كلمه ... وهيا من طيبتها زوجها استغل الطيبه هذه ولا قدر النعمه الي هوا فيه مسكينه قالت لي انا صابره في السكن معاهم غرفة اطفال ماعندي غرفة مجلس استقبل فيها الضيوف ماعندي ... وفي السنه حسنه تكون عندهم مناسبه انا عن نفسي احس انه في ظلم واقع عليها تقول ايام كثيره احس اني خدامه عندهم وتحس انه يوم الزمو عيالهم في السكن معاهم خوفا من المستقبل وش يصير يقعدون بالحالهم ومافي احد يخدهم ... لأنو الي خلاها تحس بكذا انو عمرهم ماحسسوهم ان الغرض من وجودكم في هالبيت كلكم اننا نكون عائله وحده لأنهم مايحثونهم بكذا ابدا ... اهم شئ عندهم اعملي كذا ولا تعملي هذا وتخيلو عندها اخت زوجها كبيره فوق العشرينيات ماتعمل الغدا الى مرا في الأسبوع وكثيييير المرات ماتعمل غدا ابدا
هل هذا عدل نصيحه لكل وحده لا تتزوج من شخص مهما كانت اخلاقياته ساكن عند اهله ابعدي عن بيت اهله بقدر الامكان في الزمن هذا معاد فيه شئ اسمو لم شمل العيله الزمن هذا زمن المصالح فقط اهل الزوج يوم يسكنون ويلزمون عيالهم في السكن معاهم مش عشان لم شمل العيله لا عشان هما يعملون كذا عشان مصلحتهم فقط لا غير تفكير نفسي نفسي ومايفكرون ببنات الناس المساكين الي اهلهم مايبون الى الستر لبناتهم ومايفكرون بالعواقب الي راح تحصل في بناتهم ونفسيتهم يوم يشوفون بنات عايشين ومستقلين في بيوتهم بعيد عن الكل ومبسوطين لا أحد يجي يقول لك اعمل هذا ولا تعمل هذا
الله يفرجها عني وعنها وعن بنات المسلمين الي مثل حلاتنا
bnt alsadh @bnt_alsadh_2
محررة برونزية
يلزم عليك تسجيل الدخول أولًا لكتابة تعليق.
مو كل اهل الزوج خبيثيين وامكن هي مابينت تعبها ولا طلبت مساعده خليها تبين انها تعبت امكن هم علاقتهم حلوه مع بعض ومعتبرينها زي بنتهم وعارفين طبخها كيف حلو عشان كذا يقولون لها اطبخي والله يهدي سرهممو كل اهل الزوج خبيثيين وامكن هي مابينت تعبها ولا طلبت مساعده خليها تبين انها تعبت امكن هم...
آآآآآآآآمين الله يهدي سرهم
من ناحية طبخها هيا ماشا الله طبخها حلو
و**** الله راح اخليها تقرا ردك يمكن يهديها
وتسلمين ع الرد
الصفحة الأخيرة
وامكن هي مابينت تعبها ولا طلبت مساعده
خليها تبين انها تعبت امكن هم علاقتهم حلوه مع بعض ومعتبرينها زي بنتهم وعارفين طبخها كيف حلو عشان كذا يقولون لها اطبخي
والله يهدي سرهم