معاناة متأخره بالحمل

السلام عليكم ورحمة الله وبركاته
مالي بالمقدمات بدخل بموضوعي ع طول انا ضغطي صراحه مرتفع من الحريم الي خلفوا
( ماشاءالله الله يبارك لكم في رزقكم يارب )
ما يصير صراحه كذا كل وحده متاخره في الحمل صرتوا تخافون منها تحسدكم وتحسسد عيالكم وصرتوا تخبون عيالكم منها ليييه ذا التفكير ؟؟
بجد انا دايم افكر. انتي سوي الي عليك حصني نفسك وحصني عيالك والله الحافظظ. صح ان العين حق بس الي يصير. ابدا ما ينسكت عليه
صرت اكره الطلعات مع جماعتي او مع ناس برى الجماعه لازام تلقي لك في كل طلعه موقف. او كلمه تسسسسد النفس وتسم البدن. لازام نكون حنا علك المجلس ما حملتي؟! ليه ما خلفتي؟ لمتى كذا جالسه بدون عيال
آيه هم جوني وانا رفضت😡 ؟!!
ترى هذا رزق من الله ما يصير كذا تعاملونا ولا وحده تطلع كلام انا خايفه من فلانه حاسدتني لان انا جبت ولد. ولا الثانيه جيبوا اثر فلانه حسدتني تزوجت بعدها وخلفت قبلها ايشش هذا التفكير .. اذا الله انعم عليك بنعمه. اشكريه واتركي الناس عنكك انا ما اقصد الكل بكلامي بس فيه ناس هذا تفكيرها الي ما خلفت ومتاخره بالحمل تعطي عيون ولازام. نخاف منها. ترى حنا بششر مثلكم. يعني لا زايدين بشي ولا ناقصين بشي واذا على الخلفه حتى الحيوانات تكرمون خلفت
اتمنى مجتمعي يرتقي والافكار السلبيه هذي تروح وبلاشش تحطوا في ذمتكم فلانه حسدتني وهي اصلا ولا درت عنك ولا عن عيالك ولا فكرت حتى فيككم.

وبذكر لكم موقف بسسيط من هذي الفئه

كنت في جمعة حرريم الله يهدهم من دخلت ووحده تبي تزوج زوجي وانا اتكلم وبداخلي والله قهر
ما راح يلقى مثلي وهذا الموضوع خاص فينا طبعا انا محترمه الحرمه لانها كبر جدتي مو امي الله يهديها. وبعدين وحده حامل الله يتمم لها حملها وكلنا باركنا لها وذكرت الله عليها والله اني فرحت لها ولا جاء ببالي حتى اغار او ازعل كونت اسولف عادي الا تدخل وحده وتقول ترى هذي عقيييم انا انصدمت. وكل المجلس يسال مين العقيم وصاروا يشارون علي والي حامل خافت مني احسدها والي تشيل عيالها وتطلع برى الغرفه
وراحت تطلب صاحبة البيت اثري ؟ حسيت نفسي
حمل ثقيل والله عليكم الي خلفتوا خافوا الله فينا
مو بس انا اعاني كل وحدده متاخره بالحمل مثلي تعاني. ياليت تعدلوا اسلوبكم شوي وتقدروا مشاعرنا ولو شوي
والله في كل طلعه اطلعها في جمعة حريم الا اللقى كلام يسد الناسس لمتى ترى هذا رزق من الله انا ما راح اشاركك في رزقك ولا انتي راح تقاسمني رزقي واتركوا عندكم الوسوسه. واحفظوا الاذكار
الي محافظ على الاذكار باذن الله ما يجيه شي
ومعليشش لا تزعلون مني بس خلاص ما عاد فيني صبررر او تحمل لهذي الفئه ابدا