معاناة 12 يوم في السنة انا وزوجي ادخلووا

الحمد لله على كل حال
الحمد لله على كل حال 
ما ادري من وين ابتدي ووين انتهي واصلا ما ادري وش اقول زوجي حبيبي كل يوم 25ينكسر اشوف في عيونه التعب والزعل 
اذا تمنيت شيء كان يتضايق و يبين على وجهه لانه ماهو متوظف صرت اكتم كل طلباتي واصبر واصبر 
لكن نظرته فجرت دموعي 
قالي انا عارف انك تبغين الف شيء وشيء عارف ودك في اشياء كثيره وانا بعد ودي امشيك و اطلعك اشتري لك افضل جوال وافضل غرفة نوم وافضل ملابس لكن لو كان الفقر رجلا لقتلته 
كل يوم 25من الشهر يوم انكسار ويوم كئيب اشوف خواتي يستعدون ويخططون وش ناوين عليه 
ارجع البيت وانا في نفسي الف حاجه و خاطري في الف شغله لكن من وين التفكير يتعب لانه بلا نتيجة افكر في ايفون ارجع انزل راسي واقول الله كريم 
اشوف زوجي ساكت واسكت اليوم هذا كسر داخلي شيء ودي اطلع واقول للناس ما فيه احد يقدر يساعدنا مانبي غير وظيفة تكفينا والله تكفينا 
وظيفة لو ايش ماتكون المهم نلقى شيء نعيش منه 
تعب وهو يدور من اقصى المملكة لاخرها بشهادته الجامعية 
والنتيجة بيت بزوجة وزوج وثلاث اولاد و انكسار 
ادعولي يا اخوات اليوم محتاجين و ما نمت من الهم كيف ندبر المبلغ 
لاحول ولا قوة الا بالله اللهم اغننا و عافنا من الفقر والدين