معاناتى مع سنانى ..ياريت تساعدونىى

لسلام عليكم انا جديدة هنا معاكم ومبسوطةة جدا انى سجلت فى المنتدى الجميل دة هو انا الحقيقة عندى مشكلة مش عارفة اخد قرار فيها انا روحت لمركز اسنان اركب تقويم لان عندى سنة من قدام راجعة لورا وشكلها محرج كانها واقعة وبتكسف منها جدا هو المركز دة بيعملوه باسعار رمزية والدكاترة اللى فيه لبة لسة بس بعد الاشعة وكل حاجة الدكتور قالى انى محتاجة لجراحة الاول قبل التقويم عشان مشكلتى فى الفك انه الفكين ضامين لجوا شوية وانا مكنتش واخدة بالى غير لما قالى بس مكنوش عاملين مشكلة بالنسبالى وشكل بقى طبيعى يعنى والعملية دى المفروض هيحولونى على مستشفى القصر العينى  بس انا مش مرتاحة للموضوع وخايفة امشى ورا كلامه وابوظ بقى وخايفة اعمل عملية زى دى بيقول انها كبيرة وفيها تخدير ولو عملت تقويم على طول هيبقى فيه خلع لسنانى وهيشوه شمل شفايفى وهيرجعها لورا فانا محتارة ما بين حاجتين انى اخد الاشعة واروح مكان تانى وهيبقى فيه خلع وتشويه لشكلى او عنى اعمل العملية وانا خايفة جدا مع العلم انى مضايقة جدا من شكل سنانى ولا بعرف اضحك فى الصور ولا قدام حد وانا بقى صغير اوى حتى لما بضحك بحس ان سنانى بتبان بالعافية فمش عارفة ممكن العملية تصلح العيب دة ولا ايه انا خايفة والله ياريت حد يساعدنى لانى مش عارفة اخد قرار خالص يعنى لو مكانى هتعملى ايه ؟؟؟؟؟