السلام عليكم ورحمة الله وبركاته
حبيباتي وأخواتي الغاليات
محتاجة أفضفض شوي وأحكي لكم معاناة طويلة مع الوسواس القهري
عمري 23
ومن فترة طويلة قرابة السنتين وأكثر أصابني الوسواس القهري
وقتها كنت أدرس بالجامعة
في البداية كانت أفكار في داخلي تتعبني وتوترني كثير وقت الصلاة
بعدين تطور الوسواس وصرت ماأقدر أدخل في الصلاة إلا بعد معاناة
وما أقدر أتوضأ إلا بعد معاناة
أجلس في دورة المياه الله يكرمكم وقت طويل وأحيانا يخرج وقت الصلاة وأنا ماطلعت
كنت أبكي بحرقة
وذبلت ملامحي..وبان في وجهي التعب والحزن
حتى أخلاقي صارت مقفلة وأغلب وقتي مالي خلق أحد
واللحين يابنات صرت أحلف وأنذر
ما أبدأ صلاتي ووضوئي إلا بعد حلف ونذور عظيمة
وشوي شوي صار الحلف ماعاد يأثر فيني وحتى النذر
وصلت لدرجة أقول كذا قبل ما أبدأ في الصلاة والوضوء
( نذر علي سبب في عدم توفيقي إن لم أنفذه لو عدت أصوم الدهر كله وأتصدق بكل أموالي)
وللأسف أعييييد
وأحيانا نفس الصيغة بس أقول سبب في انقطاع رزقي أو مرات أقول عدم زواجي
أقول كذا مضطرة عشان أكون قوية وما أعيد لما أتذكر إني دعيت على نفسي
لأن ماعاد يأثر فيني شي
اااه بعد ماأنذر هالنذر العظيم اللي فيه دعاء على نفسي مرات أقاوم
وأكثر المرات ماأتحمل وأعيييد ..واللحين أحس ماراح أتوفق واتزوج
طمنوني بنات انا خايفة احس نذري هذا مسبب لي قلق
حتى وأنا أدعي أحس بشعور حزين..
واللحين يابنات بعد مرور فترة طويلة مع الوسواس
صرت الله يكرمكم ماأقدر استبرأ من البول إلا بعد معاناة
أتعب حتى أفرغ المثانة
أحس جاني ضعف في مثانتي
أحس عضلاتي صارت ضعيفة
وأتأخر كثير في دورة المياه عشان أفرغ المثانة
ماأطلع إلا وأنا منهد حيلي ومرهقة
أحس ماأقدر اتزوج..لأن هذي المنطقة عندي ضعفت
ماعاد أشرب سوائل كثير
حاسة بجفاف في جسمي
الحمدلله على البلاء
الحمدلله على نعمة الصبر
الحمدلله على نعمة البكاء
اشتقت أصلي بخشوع ولذة
اشتقت أصلي الوتر والضحى وأتلذذ
أكتب لكم والعبرة خانقتني
بنات أنا قريت كثير عن الوسواس والعلاج بس همتي كانت ضعيفة
بالنسبة لأهلي مايدرون بكل هذي الأفكار والحزن اللي فيني وماأقدر أقولهم
بس والدتي كانت تتضايق من مكوثي الطويل في دورة المياه
كتبت لكم باختصار ألمي وكل اللي أتمناه من قلوبكم الطاهرة
إنها تدعيلي بالشفاء التام وطمأنينة الروح
الله يجزاكم بالجنة جميعا
يلزم عليك تسجيل الدخول أولًا لكتابة تعليق.
الصفحة الأخيرة
نصيحتي لك
راجعي مختص مع تحاليل للدم
ثم حاولي بالرقيه بدون يأس او بالتنويم المغناطيسي عشان تعرفي السبب
والله يشفيك ويعافيك اكثري من الدعاء وقيام الليل او الدعاء في جوف الليل ان لم تستطيعي المهم لايفوتك وقت الدعاء